افغان ښځینه پیلوټې نیلوفر رحماني په امریکا کې د سیاسي پناه غوښتنه وکړه
د افغانستان د لومړنۍ ښځینه پيلوټې لخوا په امریکا کې د سیاسي پناه غوښتنې سخت غبرګونونه پارولي دي
د افغانستان لومړنۍ ښځینه پیلوټې نیلوفر رحماني چې په امریکا کې د سیاسي پناه غوښتنه کړې داځل د نوي ټاکل شوي ولسمشر دونالد ترامب او موجود ولسمشر باراک اوباما نه ددې د غوښتنې د منلو غوښتنه وکړه.
د افغانستان لومړنۍ ښځینه پيلوټه ۲۵ کلنې نیلوفر رحماني چې د ۱۸ میاشتني هوايي کورس په خاطر امریکا ته تللې وه په نوموړي هیواد کې د سیاسي پناه غوښتنه کړې ده .
د نیلوفر رحماني دې اقدام په افغانستان کې د حکومت او خلکو جدي غبرګونونه پارولي دي.
د بله پلوه د افغانستان د دفاع وزارت د امریکا نه د نیلوفر رحماني د پناه د غوښتنې د ردولو غوښتنه کړې ده .
نیلوفر رحماني چې لومړنۍ ښځینه افغان پیلوټه ده په ۲۰۱۵ کال کې د نړۍ د پیاوړې میرمن جایزه ترلاسه کړه. هغه په افغانستان کې د افغان میرمنو لپاره نمونه د مثال وه چې په امریکا کې د پناه د غوښتولو سره افغان میرمنې هم ناهیلې کړي دي.
نیلوفر رحماني د سي ان ان تلویزیون سره په خپله وروستۍ مرکه کې وویل چې هیواد ته د ستنیدو سره به يي ژوند په خطر کې وغورځیږي.
همداشان هغې د امریکا د نوي ټاکل شوي ولسمشر ترامب او موجود ولسمشر باراک اوباما نه د هغې د پناه د غوښتنې د منلو غوښتنه وکړه.
د بله پلوه د افغانستان د دفاع د وزارت ویاند محمد رادمنش ویلي دي چې د میرمن رحماني په روزلو ډیر زیات لګښت راغلی دی . امریکا باید هر څه ژر د هغه د پناه غوښتنه رد کړي. هغه ویلي دي چې امریکا د افغان ځواکونو په روزلو په میلیاردونو ډالر په مصرف رسولي .
د یادولو وړ ده چې د امریکا او نړۍوالې ټولنې د افغان ځواکونو په روزنې په میلیاردونو ډالر په مصرف رسولي دي . که چیرې د نیلوفر رحماني په څیر هر روزل شوی مسلکي کس په نورو هیوادونو کې د پناه غوښتنه وکړي په افغان ځواکونو لګول شوي دا مصارفات هیڅ معنا نلري.
نیلوفر رحماني ادعا کوي چې په هیواد کې په کراتو مراتو هغه او د هغې کورنۍ په مرګ ګواښل شوي ندي او نشي کولی چې ددینه وروسته دا ګواښونه وزغمي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی