د بګرام په هوايي ډګر کې چاودنه وشوه
د بګرام هوايي ډګر کې چاودنه ګڼ شمیر کسانو ته مرګ ژوبله اړولې
د افغانستان پلازمینې کابل شمال کې د امریکايي ځواکونو تر ټولو په سترې مرکز د بګرام په هوایي ډګر کې چاودنه وشوه.
د لومړنیو معلوماتو له مخې چاودنه د سهار په وختي ساعتونو کې شوې ده .
په پیښه کې د ۳ تنو د وژل کیدو او ۱۳ تنو نورو د ټپي کیدو نه خبر ورکړ شوی دی.
د بله پلوه په افغانستان کې میشتو د ناټو ځواکونو هم د نوموړې چاودنې پخلی کړی دی.
په افغانستان کې د میتشو ناټو ځواکونو لخوا په خپره شوې خبرپاڼه کې ویل شوي دي چې نن د نوامبر ۱۲ مه د سهار د پنځه نیمو بجو په شاوخوا کې د بګرام په هوايي ډګر کې چاودنه وشوه.
ناټو ویلي دي چې پدې چاودنه کې ځاني زیانونه اوښتي دي . ناټو سازمان دا ندي ویلي چې د پیښې قربانیان څوک او د کوم هیواد وګړي دي.
ناټو ویلي دي چې د پیښې په اړه به نور معلومات وروسته خپاره کړي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی