د دفاع وزارت په مخ كې چاودنه او ځانمرګى بريد
په كابل كې د ملي دفاع د وزارت د دروازې مخې ته يوه چاودنه او يو ځانمرګى بريد شوى دى.
565615
د لومړنيو معلوماتو له مخې د دفاع د وزارت ورودي دروازې ته نږدې د مرادخانۍ په سيمه كې ددې وزارت د منسوبينو د را وتلو پرمهال د دوو چاودنو غږ اورېدل شوى دى.
ددې وزارت د خبري سرچينو د معلوماتو په اساس چاودنه د مازديګر په شاوخوا ۱۵:۴ بجو د مراد خانۍ په سيمه كې شوې ده.
په چاودنو كې چې يوه يې د ځاى پر ځاى شوو چادېدونكو موادو او بله يې د ځانمرګي بريد په پايله كې رامنځته شوي دي لږ تر لږه ۵ تنه وژل شوي او تر ۱۳ تنو زيات ټپيان شوي دي.
ويل كيږي چې لومړى چاودنه شوې ده چې سيمې ته د روغتيايي پرسونل او امنيتي ځواكونو د ورتګ نه وروسته ځانمرګي بريد كوونكي هم ځان چاودولى دى.
طالبانو د بريد پړه منلې ده.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی