طالبانو د دوو تنو بهرنيانو ويډيو خپره كړه.
طالبانو داسې يوه ويډيو خپره كړې ده چې په كې دوه تنه بهرنيان چې پخوا يې تښتولي ول ليدل كيږي.
په ويډيو كې يو تن كاناډايى او د هغه امريكايۍ مېرمن ليدل كيږي چې د خپلو هېوادونو د چارواكو غوښتنه كوي چې نوموړي له بنده خوشې كړي.
د طالبانو لخوا نيول شوي كسان وايي چې كه چېرې افغان حكومت د طالبانو د اعدام حكمونه عملي كړي نو دوى او ماشومان به يې د اورپكو لخوا ووژل شي.
د بله پلوه د امريكا د متحدو ايالتونو د بهرنيو چارو د وزارت چارواكو پرون د سې شنبې په ورځ وويل چې د ويډيو په اړه يې څېړنې پيل كړي دي.
د جاشوا بويل او كېټلن كولمن په نامه جوړه چې په ۲۰۱۲م كال كې د طالبانو لخوا تښتول شوي دي د امريكا او كاناډا د حكومتونو نه غوښتنه كوي چې پر افغان حكومت فشار راوړي تر څو د طالب اورپكو د اعدام د سزاګانو د عملي كولو مخه ونيسي.
دا جوړه په ۲۰۱۲م كال كې هغه مهال ونيول شوه چې غوښتل يې د منځنى آسيا د هېوادونو نه ليدنه وكړي. دوى د روسيې له لارې قزاقستان، قرغېزستان او بيا تاجكستان ته تللي ول چې وروسته بيا افغانستان ته يې سفر وكړ.
ويل كيږي چې د طالبانو په بند كې يې يوه لور هم شوې ده چې اوسمهال ۲ كلنه ده.
افغان حكومت پدې اړه غبرګون نه دى ښودلى.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی