د ارګ په پخلنځي كې دوه جسدونه موندل شوي.
د ولسمشرۍ د ماڼۍ د مطبوعاتي دفتر د معلوماتو په اساس د ارګ په پخلنځي كې د دوو تنو جسدونو پاتې شوې موندل شوي دي. موندل شوي هډوكې او د سر كوپړۍ عدلي طب ته لېږل شوي دي.
ويل كيږي چې دا هډوكي د لومړي نمبر قصر په آشپزخانه كې د ځمكې لاندې د ۲نيم متره ژوروالي سره موندل شوي دي.
تر اوسه پورې دا لا معلومه نه ده چې جسدونه د كومې دورې پورې اړه لري.
د ارګ نه په خپره شوې اعلاميه كې راغلي دي چې ددې جسدونو د پېژندې او دفن لپاره يې د عدلي طب، كورنيو چارو د وزارت او د بشر د حقونو د ادارې په ګډون ګډ كميسون جوړ كړى دى. د جسدونو د پېژندل كېدو وروسته به كورنيو ته وسپارل شي او كورنۍ يې ونه موندل شوه د دولت لخوا به خاورو ته وسپارل شي.
د افغانستان د ولسمشرۍ ماڼۍ د تېرو ۵۰ كلونو په اوږدو كې د يو زيات شمېر سياسي وژنو شاهده وه.
څو كاله وړاندې د افغانستان د پخواني ولسمشر محمد داوود خان او كورنۍ جسدونه هم په ارګ كې موندل شوي ول چې بيا وروسته خاورو ته وسپارل شول.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی