په کابل کې د پولیسو په موټر چاودنه وشوه

د افغانستان په پلازمینه کابل کې د پولیسو په موټر چاودنه وشوه .

د سیمې نه د ترلاسه شوو معلوماتو له مخې  د کابل  د دارلاآمان په سیمه کې  د پولیسو په موټر کې د مقناطیسی بم  چاودنه وشوه .

پداسې حال کې چې  د نوموړې پیښې د مرګ ژوبلې په اړه څه ندي ویل شوي خو د کابل د دریمې حوزې  پولیسو  بیا خبري رسنیو ته  په پیښه کې د یو تن د ټپي کیدو نه خبر ورکړی دی . 

د یادولو وړ ده چې  د طالبانو لخوا  د پسرلنیزو عملیاتو د پیلولو نه وروسته دا لومړی ځل دی چې په کابل کې د پولیسو په موټر چاودنه کیږي. طالبانو د تیرې جمعې په ورځ  د یوې خبرپاڼې په خپرولو سره  په ټول هیواد کې  د پسرلینزو عملیاتو د پيلولو نه خبر ورکړ. طالبانو پدې خبرپاڼه کې ویلي وو چې د عملیاتو په لړ کې د ملي اردو او ملي پولیسو په مرکزونو او پرسونل  بریدونه وکړي.