د افغان ځواكونو تعرضي چورلكې را ورسېدې.
د امريكا د متحدو ايالتونو د هوايي ځواكونو د مركزي قوماندانۍ د خبر په اساس د افغانستان د هوايي ځواكونو لپاره شپږ MD-530s ډوله تعرضي چورلكې نن سهار را ورسېدلې.
ويل كيږي چې د ۲۰۱۵ كال د پسرلنيزو عملياتو نه وړاندې به دا چورلكې د افغان هوايي ځواكونو د محاربې قابليت لوړ كړي.
دا چورلكې د امريكا د دفاع د وزارت په فرمايش د MD Helicopters Inc د كمپنۍ لخوا د ۴۴،۲ ميليونو ډالرو په بدل كې جوړې شوي دي. د الوتكو ټول نظامي سامان آلات او پرزې به هم افغان ځواكونو ته وسپارل شي.
تمه كيږي چې ددې چورلكو نه به د راتلونكي كال د دسمبر تر مياشتې پورې ۱۱ نورې هم جوړې او افغان هوايي ځواكونو ته به وسپارل شي. دا چورلكې د هوا په هر ډول شرايطو كې د عملياتو وړتيا لري.
د يو بل خبر له مخې د امريكا متحده ايالتونه به افغان هوايي ځواكونو ته د 20MD 530F Cayuse Warrior په نامه چورلكې چې د افغان ځواكونو د ځمكنيو عملياتو پرمهال به د هوايي ملاتړ په برخه كې ترې كار واخيستل شي وكړل شي.
د سږني ميلادي كال د سپتمبر تر مياشتې پورې به افغانستان ته د 20A-29 Super Tucano په نامه جنګي جټ الوتكې هم وركړل شي. ددې الوتكو په واسطه ۳۰ افغان جنګي پيلوټان هم وروزل شي.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی