د کابل قندهار په لویه لاره ټرافیکي پیښې په لسګونو تنه ووژل

د کابل قندهار په لویه لاره  د قتل عام په څیر ټرافیکي پیښه  رامنځته شوه  . 

د لومړنیو معلوماتو له مخې پيښه  د زابل ولایت  مرکز قلات په شاوخوا کې رامنځته شوې ده . د زابل ولایت د امنیتي سرچینو د خبر له مخې  نن  د غرمې نه مخکې  یو ۳۰۳ مساپر وړونکي بس او د تیلو ټانکر سد جنګیدو له امله  دا پیښه رامنځته شوه.

سرچینې ویلي دي چې په پیښه کې  شاوخوا ۴۰ تنه مړه او لس تنه ټپیان دي. د ټپیانو روغتیايي حالت هم  باریکه دی. سرچینې ویلي دي چې د نوموړې ټرافیکي پیښې له امله په ۳۰۳ ډوله مساپروړونکي بس کې د سپرو مساپرو نه  یواځې د ګوتو په شمیر کسان  ژغورل شوي چې روغتیايي حالت يي ښه ندی.

سرچینې ویلي کیدای شي چې د مړو شمیره  د ښودل شوي رقم هم  لوړه شي.