د تورکیې د ورځپاڼو سرټکي

د تورکیې د ورځپاڼو سرټکي

2225285
د تورکیې د ورځپاڼو سرټکي

 

يني شفق ورځپاڼې " اردوغان سویلي کوریا ته د خواخوږۍ پیغام واستوه ʺ د سرلیک لاندې لیکلي دي ، د تورکیې  ولسمشر رجب طیب اردوغان د سویلي کوریا د الوتکې په پېښه کې د وژل شویو کسانو  کورنیو، د سویلي کوریا خلکو او حکومت ته د خواخوږۍ  او تسلیت پیغام استولی.

 

د سټار ورځپاڼې " سوډان: د اردوغان وړاندیز په درنښت منو ʺ د سرلیک لاندې لیکلي دي ،  د سوډان وزیر العیسیر وویل تورکیه چې په هر ډګر کې د دوی ملاتړ کوي ، د ولسمشر اردوغان هغه وړاندیز چې تورکیه کولای شي د سوډان او متحده عربي اماراتو ترمنځ د شخړو په حل کې مرسته وکړي، په درنښت او قدردانۍ سره مني.

 

حریت ورځپاڼې " په سوریه کې بیارغونه به سوداګري پیاوړې کړي ʺ د سرلیک لاندې لیکلي دي ،  د تورکیې د ولسمشر مرستیال جودت یلماز وویل چې په سوریه کې د بیارغونې او مناسب چاپیریال په رامنځته کېدو سره به سوریایان بېرته  خپل هیواد ته ستانه شي او د دواړو هېوادونو ترمنځ به سوداګریزې اړیکې پراختیا ومومي.

 

صباح ورځپاڼې " تورکیه د انرژۍ په برخه کې د مشرتابه هڅه کوي ʺ  د سرلیک لاندې لیکلي دي ، د انرژۍ او طبیعي سرچینو وزیر الپ ارسلان بیرقدار وویل چې تورکیه د انرژۍ په پالیسیو کې نړیوال سیالۍ ته رسېدلې ده. هغه وویل "موږ له طبیعي ګازه نیولې تر هستوي، له نوې کېدونکې انرژۍ تر هایډروجن ټکنالوژۍ پورې په ټولو برخو کې د مشرتابه هڅه کوو."

 

وطن ورځپاڼې" د تورکیې د بایکار  شرکت له خوا د  ایټالیا د پیاجیو ایروسپیس شرکت اخیستل د نړۍ په رسنیو کې پراخه انعکاس موندلی ʺد سرلیک لاندې لیکلي دي ،  د تورکیې د دفاعي صنایعو شرکت بایکار له خوا د ایټالیا د  پیاجیو ایروسپیس شرکت  اخیستل نړیوال غبرګونونه راپارولي، په ځانګړې توګه دا چې پیاجیو د F-35 جیټ الوتکو د انجنونو لپاره پرزه جات تولیدوي. په دې اخیستلو سره تورکیه بېرته د F-35 پروګرام ته، چې پخوا ترې ویستل شوې وه، راستنه شوه.



اړوند خبرونه