د تورکیې د ورځپاڼو سرټکي

صباح ورځپاڼې  "تورکیې د افریقا بحران حل کړ" د سرلیک لاندې لیکلي دي ، د تورکیې

ولسمشر رجب طیب اردوغان د سومالیا او ایتوپیا ترمنځ د کړکیچ د هواري لپاره ګام پورته کړ. اردوغان د سومالیا له ولسمشر حسن شیخ محمود او د ایتوپیا له لومړي وزیر ابی احمد سره په ولسمشرۍ ماڼۍ کې وکتل. اردوغان وویل چې د دواړو خواوو ترمنځ یو توافق شوی دی.

د خبر تورک ورځپاڼې ʺ سوریې ته به په داوطلبانه توګه راستنېدل زیات شي ʺ د سرلیک لاندې لیکلي دي ، د تورکیې ولسمشر اردوغان وویل چې په سوریه کې د ۶۱ کلن بعث رژیم په نسکوریدو سره د سولې لاره پرانیستل شوې ده او دوی به د سوریې د وګړو په داوطلبانه ستنولو کې همغږي وکړي.

ینی شفق ورځپاڼې  "بهرنۍ رسنۍ : اردوغان د اسلامي نړۍ مشر دی" د سرلیک لاندې لیکلي دي ، بهرنیو رسنیو د سوریې د ملي ځواکونو په عملیاتو کې د بعث رژیم په نسکورولو کې د تورکیې رول ته په اشارې سره ویلي چې ولسمشر اردوغان اوس د اسلامي نړۍ طبیعي مشر دی.

د سټار ورځپاڼې  "فرانسوي رسنۍ: تورکیې یو ځل بیا ثابته کړه چې له پامه غورځول کیدی نشي" د سرلیک لاندې لیکلي دي ، فرانس پریس لیکي چې په سوریه کې د بشارالاسد نسکوریدل په سیمه کې د تورکیې نفوذ زیات کړی او ویلي یې دي چې تورکیې یو ځل بیا ثابته کړه چې له پامه غورځول کیدی نشي.

حریت ورځپاڼې "دهاکان فیدان  لخوا د فلسطین پیغام" د سرلیک لاندې لیکلي دي ، د تورکیې د بهرنيو چارو وزير هاکان فيدان وويل فلسطين د ټولو هيوادونو له خوا په رسميت پيژندلو لپاره کار کوي . هغه د دې په ټینګار سره چې د تورکیې هڅې په نړیواله کچه اغیز لري، وویل؛ "موږ داسې پالیسي تعقیبوو چې زموږ د  هیواد  په اړه  دلچسپي زیاتوي."