د تورکیې د ورځپاڼو سرټکي

حریت  ورځپاڼې "اردوغان: تورکیه د بل هېواد خاورې او حاکمیت ته سترګې نلري" د سرلیک لاندې لیکلي دي ، د تورکیې ولسمشر اردوغان د کابینې د غونډې نه وروسته په خپله وینا کې وویل « تورکیه د بل هیواد خاورې او حاکمیت ته سترګې نلري. زمونږ د پولې په اوږدو کې د عملیاتو یواځنۍ موخه زمونږ د وطن او هیوادوالو ساتنه ده او د پ ک ک له منځه وړل دي. پ ک ک او نه داعش زموږ مخالطبین ندي، برعکس، دوې هم د سوریې او هم زمونږ  دښمنان دي."

د سټار ورځپاڼې  " پر سوریې د فیدان غږ " د سرلیک لاندې لیکلي دي ، د تورکیې د بهرنیو چارو وزیر هاکان فیدان په انقره کې د سفیرانو په پنځلسم کنفرانس کې په خپله وینا کې وویل، په سوریه کې یو نوی دور پیل شوی دی، نړیوال لوبغاړي باید د سوریې له خلکو سره لاس یو کړي او تورکیه به د سوریې د ځمکنۍ بشپړتیا، سیاسي یووالي او سوکالۍ د تامینولو لپاره کار کولو ته دوام ورکړي. تورکیه به "دا به د دې ډاډ ترلاسه کولو لپاره خپلو ټولو مسؤلیتونو ته دوام ورکړي."

ینې شفق ورځپاڼې "په تورکیه کې میشت سوري وګړي خپل هیواد ته ستنیږي" د سرلیک لاندې لیکلي دي ، هغه سوريايي وګړي چې په خپل هېواد کې د کورنۍ جګړې له امله يي تورکيې ته پناه راړوې وه، د بعث د ۶۱ کلن رژيم له نسکورېدو وروسته بېرته سوريې ته ستنېږي. سوري وګړي په هاتای کې د جیلوه ګوز سرحدي دروازې ته راغونډ شوي وو.

وطن  ورځپاڼې "د ترانسپورت وزیر: په تورکیه کې به دا نوښت د اروپا په کچه لومړی وزیر" د سرلیک لاندې لیکلي دي ، د تورکیې د ترانسپورت او زیربنا وزیر عبدالقادر یورول اوغلو وویل چې دوی به د اپریل په ۱۷ د استانبول په هوایی ډګر کې په ۳ ځغاستلیکو کې په ورته وخت کې کیناستو او الوتنې کولو بهیر پیل کړي . هغه وویل ، "دا سیسټم به په اروپا کې لومړی وي."

صباح ورځپاڼې "په نړۍ کې د تر ټولو ښکلي ځایونو په لیست کې د تورکیې څخه ۲ ځایونه شتون لري"د تورکیې څخه دوه ځایونه د ۲۰۲۴ لپاره د ټایم مجلې په نړۍ کې د ترټولو ښکلي ځایونو په لیست کې ځای نیولی دی. په استانبول کې د زیریک چینلي حمام او دیارباکر ایکسپریس پدې لست کې اضافه شوي دي.