د تورکیې د ورځپاڼو سرټکي

صباح ورځپاڼې ʺ د فلسطین په اړه نړۍ نه  د اردوغان غوښتنه ʺ د سرلیک لاندې لیکلي دي، د تورکیې ولسمشر رجب طیب اردوغان وویل په غزې او لبنان باندې د صهیونیسټانو د تیریو یو غوره ځواب به د  نورو هیوادونو لخوا د  فلسطین د دولت په رسمیت پیژندنه وي. اردوغان  د نړۍ د هیوادونو نه د فلسطین دولت د په رسمیت پیژندو غوښتنه وکړه.

حریت ورځپاڼې ʺاردوغان: له اسرائیلو سره مو سوداګري بنده کړې ده ʺ د سرلیک لاندې لیکلي دي ، د تورکیې ولسمشر اردوغان وویل چې دوی له اسرائیلو سره سوداګریزې راکړې ورکړې په بشپړه توګه بندې کړي. اردوغان وویل، موږ هڅه کوو چې د نسل وژنې مجرمین نړیوالو قوانینو پر وړاندې حساب ورکولو ته راکاږو.

یني شفق ورځپاڼې  " اردوغان د غزې د خلکو د میړانتیا ستاینه وکړه" د سرلیک لاندې لیکلي دي ، د تورکیې ولسمشر اردوغان  ټینګار وکړ چې  د اسرائیلو تر برید لاندې  د غزې  اوسیدونکو  په تیرو دیارلس میاشتو کې  هیڅ  داسې درد ، غم  او ظلم  نه دی پاتې چې دوې تجربه کړی او زغملی  نوي ، خو  بیا هم  خپل عزت او شرف يي هیڅکله د خپو لاندې کړی ندی او په خپل وطن کې  د ازاد ژوند کولو  له ارادې نه  یو ګام شاته ندی اوچت کړی .

د خبر تورک ورځپاڼې  "د مرکزي بانک زیرمو کې نوی ریکارډ" د سرلیک لاندې لیکلي دي ، د تورکیې د مرکزي بانک ټولې زیرمې د اکټوبر د میاشتې په ۲۵ مه نیټه په ټول وخت کې ۱۵۹ میلیارده ۳۹۸ میلیونه ډالرو ته ورسیدې چې د تیرې اونۍ په پرتله ۳۳ میلیونه ډالره زیاتې شوې دي.

سټار ورځپاڼې  "د تورکیې د موټرو صادراتو کې ریکارډ" د سرلیک لاندې لیکلي دي ،

د تركيې د موټرو صنعت صادرات د تېر كال د همدې مودې په پرتله په سلو كې ۶،۵ زياتوالي سره د ۲۰۲۴ كال د جنورۍ څخه تر اکتوبر پورې ۳۰ میليارډو ۵۱۱ ميليونه ۷۹ زره امريكايي ډالرو ته رسيدلي چې د توركيې د موټرونو د صادراتو په برخه كې په ټوليزه توګه د لسو مياشتو تر ټولو لوړ صادرات دي.