د تورکیې د ورځپاڼو سرټکي

صباح ورځپاڼې  "اردوغان: د ملګرو ملتونو امنیت شورا باید د اړتیا په صورت کې له ځواک څخه کار واخلي" د سرلیک لاندې لیکأي دي ، د تورکیې ولسمشر رجب طیب اردوغان د ملګرو ملتونو په عمومي غونډه کې د اسرائیلو د بریدونو د بندولو لپاره "د اړتیا په صورت کې د زور کارولو" غوښتنه وکړه. اردوغان وویل چې یو څو تنو سخت دریځو صهیونیسټانو سیمه په اور کې اچولې ده.

حریت ورځپاڼې  "اردوغان: تورکیه د مظلومانو غږ  دی" د سرلیک لاندې لیکلي دي ،

د تورکیې ولسمشر اردوغان  د ملګروملتونو په عمومي اسامبله کې  د خپلې وینا په ترڅ کې  وویل چې تورکیه  د نړۍ د ټولو مظلومو خلکو غږ ګرځیدلی دی چې  د ازادۍ، عدالت، حقوقو او برابرۍ  لپاره مبارزه کوي.

د ینې شفق ورځپاڼې  "کورتولموش: د اسرائیلو هدف یوازې غزه نه ده" د سرلیک لاندې لیکلي دي ، د تورکیې د ملي شورا رئیس نعمان کورتولموش وویل د اسرائیلو  پر لبنان او بیا پر سوریې د بریدونو نه وروسته وروستی هدف تورکیه ده.

سټار ورځپاڼې  "د تورکي دولتونو د سازمان نوی نوښت" د سرلیک لاندې لیکلي دي ،

د تورکي دولتونو  د سازمان غړي او څارونکي هېوادونه د کارتوګرافي په برخه کې د همکارۍ لپاره راټول شوي دي. د "مشترک ترکي الفبا" نه وروسته داځل هدف ، د "مشترکه ترکي نړۍ نقشه" جوړول دي.

وطن ورځپاڼې  "د ټیکنوفیسټ لپاره معکوس  شمیرنه" د سرلیک لاندې لیکلي دي ،

د نړۍ ترټولو لوی هوايي چلند، فضايي او ټیکنالوژۍ فستیوال ټکنوفسټ به د اکتوبر د ۲ څخه تر ۶ مې نیټې پورې په اډانا ولایت کې ترسره شي. د ټکنوفسټ سیالۍ موخه د ملي ټیکنالوژۍ پراختیا کې د ځوانانو علاقه لوړول دي.