د تورکیې د ورځپاڼو سرټکي
د تورکیې د ورځپاڼو سرټکي
حریت ورځپاڼې " د ولسمشر اردوغان مهم پیغامونه " د سرلیک لاندې لیکلي دي،
د تورکیې ولسمشر رجب طیب اردوغان د مصر له ولسمشر عبدالفتاح السیسي سره په ګډه خبري غونډه کې چې د رسمي سفر په ترڅ کې تورکیې ته راغلی و، وویل، تورکیه او مصر د فلسطین د مسئلې په اړه ګډ دریځ لري، د بریدونو د بندولو او دایمي اوربند په اړه کار کول به زموږ لومړیتوب وي."
د صباح ورځپاڼې " د تورکیې مرکزي بانک د سعودي عربستان د مرکزي بانک سره د د همکارۍ هوکړه لیک لاسلیک کړ " د سرلیک لاندې لیکلي دي،
د تورکیې جمهوریت مرکزي بانک او د سعودي عربستان مرکزي بانک ترمنځ د مرکزي بانکدارۍ مسلو په اړه د همکارۍ پراختیا لپاره د زمینې د برابرولو په موخه یو تفاهم لیک لاسلیک شو.
د سټار ورځپاڼې " د تورکیې ملي او ځايي الوتکې حور جیټ په مصر کې الوتنه وکړه " د سرلیک لاندې لیکلي دي ، د تورکیې د فضايي صنایع لخوا جوړه شوې د حور جیټ روزنیزې الوتکې په مصر کې د هوايي چلند د نړیوال نندارتون په لومړۍ ورځ پّ زړه پورې ننداره وړاندې کړه.
وطن ورځپاڼې "د بورسا تور اینځرو د اورپايي ټولنې تسجیل ترلاسه کړ" د سرلیک لاندې لیکلي دي ، د بورسا تور اینځرو په اروپایی ټولنه کې د تسجیل ترلاسه کړ او د سیمې د ځانګړو اینځرو په توګه ثبت شول. د تورکیې د کرنې او ځنګلونو وزیر ابراهیم یوماکلي وویل چې د بورسا تور اینځر د تورکیې په استازیتوب د اروپايي ټولنې لخوا ثبت شوی ۲۶ محصول دی.
د خبر تورک ورځپاڼې " ترکش ایرلانیز چیلي ته الوتنې پیلوي " د سرلیک لاندې لیکلي دي ، د تورکیې د ملکي هوايي چلند شرکت ترکش ایرلاین به د دسمبر په ۱۸ چیلي ته الوتنې پیل کړي. د تورکیې د ملکي هوايي چلند شرکت ترکش ایرلانیز عمومي رئیس بلال اکشي په خپل ټولنیز میډیا پاڼه کې په خپور کړي بیان کې ویلي چې د استانبول څخه چیلي ته الوتنې به د دسمبر تر ۱۸ پورې په اونۍ کې د ۴ الوتنو سره پیل شي.
