د تورکیې د ورځپاڼو سرټکي

د ینې شفق ورځپاڼې  "۲۴۴ اتلو ترکانو د امریکا لپاره نمونه د مثال شوي دي" د سرلیک لاندې لیکلي دي ، د امریکا د پوځي استخباراتو لخوا چمتو شوي راپور کې څرګنده شوې چې د کوریا په جګړه کې د اسیر شوو ۲۴۴ تنو ترکي سرتیرو لخوا غوره شوي دریځ  د امریکا د پوځ نظامي روزنې شکل ته په بشپړه توګه تغیر ورکړی دی. د امریکا پوځ د اسارت او محاربې د تعلیم ، د ژوندي پاتې کیدو، تیښتې – ځان ژغورنې او تحقیقاتو پر مهال د مقامت  په برخو کې د تورکي سرتیرو  نه د مثال په توګه کار اخیستی دی.

صباح ورځپاڼې "د تورکیې د ملي استخباراتو لخوا د اسرائیلو استخباراتي شبکې موساد ته یو بل ګوزار" د سرلیک لاندې لیکلي دي ، د تورکیې د ملي استخباراتو سازمان د اسرائیلو د استخباراتي شبکې  پر خلاف یو بل مهم عملیات ترسره کړل.

د تورکیې د ملي استخباراتو سازمان د اسرائیلو استخباراتي خدماتو  موساد د پیسو شبکه افشا کړه. د تورکیې ملي استخباراتو د لیریډون ریکسیپي په نامه یو تن چې په تورکیه او سوریه کې  د موساد ساحوي پرسونل ته پیسو د انتقال مسئولیت په غاړه درلود ونیو.

د امنیتي سرچینو څخه د ترلاسه شویو معلوماتو له مخې، دا معلومه شوه چې ریکسیپي په تورکیه کې د موساد د پیسو شبکه اداره کوله.

د تورکیې استخباراتو دا معلومه کړه چې ریکسیپي، د اسرائیلو د استخباراتو د خدماتو په لارښوونه د ډرون کمرو په واسطه فلمبرداري کوي او د فلسطیني سیاستوالو په وړاندې د رواني عملیاتو ترسره کولو هوډ درلود، په تورکیه کې ساحوي پرسونل ته پیسې لیږدولې چې د سوریې د ساحې په اړه معلومات راټولوي.

سټار ورځپاڼې  "۱۶۹ هیوادونو ته تورکي لیرو سره صادرات" د سرلیک لاندې لیکلي دي ، د روان کال په ۸ مياشتو کې د تورکيې د ملي کرنسۍ تورکي ليرې  سره بهرنۍ سوداګري د تېر کال د همدې مودې په پرتله ۴۴ سلنه زياته شوې او ۷۰۸ میليارډو ۳۱۰ ميليونه ليرو ته رسېدلې ده.

د حریت ورځپاڼې "د هیوک د سیمې زمینې توت په اروپايي ټولنه کې تسجیل شول" د سرلیک لاندې لیکلي دي ، د تورکیې د قونیې ولایت د هیوک د ولسوالۍ زمیني توت

په اروپايي ټولنه کې ددې سیمې خاصو زمیني توت په توګه تسجیل شول.  په دې توګه، په تورکیه کې د هغو محصولاتو شمیر چې د اروپایي اتحادیې څخه جغرافیایي نښې ترلاسه کړي ۲۵ ته لوړ شوي.

د خبر تورک ورځپاڼې ʺ وقف بانک د دریم ځل لپاره د ګینیس نړیوال ریکارډونو په کتاب کې داخل شو " د سرلیک لاندې لیکلي دي ، د تورکیې د وقف بانک د والیبال لوبډلې د اروپا د والیبال د اتلولیو په لیګ کې د شپږم ځل لپاره د اتلولۍ د ګټولو سره

د دریم ځل لپاره د ګینیس نړۍوال ریکارډونو په کتاب کې  د ننوتلو حق ترلاسه کړ.