د تورکیې د ورځپاڼو سرټکي

حریت ورځپاڼې  "اردوغان: په اندونیزیا کې زمونږ خورا ستاینه وشوه" د سرلیک لاندې لیکلي دي، د تورکیې ولسمشر رجب طیب اردوغان وویل چې په اندونیزیا کې د جي شل  په سرمشریزه کې په چوکاټ کې  د انرژۍ او روغتیا په برخو کې ګډون وکړ او دلته  په  تورکیه کې د انرژۍ او روغتیا په برخه کې د اوچتو شوو ګامونو ډیره زیاته ستاینه وشوه. "مونږ د روسیې او اوکراین ترمنځ د بندیانو د تبادلې او د غلو دهلیز په برخه کې زمونږ نوښت د نړۍ د مشرانو لخوا ډیر زیات وستایل شو."

د خبر تورک ورځپاڼې  "د تور سمندرګي د غلو تړون ۱۲۰ نورو  ورځو لپاره وغځول شو" د سرلیک لاندې لیکلي دي ، د تورکیې ولسمشر اردوغان وویل چې "د تور سمندرګي د غلو دهلیز تړون د ۲۰۲۲ کال د نوامبر د  ۱۹ نیټې څخه په اعتبار د ۱۲۰ ورځو لپاره وغځول شو." د تړون د غځولو په اړه، د بهرنیو چارو وزیر مولود چاوش اوغلو وویل، "استانبول د امیدونو د مرکز په توګه خپل اهمیت او ارزښت ته دوام ورکوي."

سټار ورځپاڼې "تورکیه تمه لري چې سویډن او فنلینډ به خپلې ژمنې عملي کړي" د سرلیک لاندې لیکلي دي ، د تورکیې د ملي دفاع وزیر خلوصي اکار وویل، دوی تمه لري چې فنلنډ او سویډن چې په ناټو کې یې د غړیتوب لپاره غوښتنلیکونه ورکړي، د تورکیې امنیتي اندېښنې درک کړي او په مادرید کې د منلو  مسئلو په اړه ګوټلي ګامونه پورته کړي. اکار یادونه وکړه چې د سویډن د لومړي وزیر او د بهرنیو چارو وزیر څرګندونې چې YPG-PYD په منظمه توګه د PKK سره تړاو لري د خوښۍ وړ دي، او د فنلنډ له حکومت څخه د ورته بیان تمه لري.

صباح ورځپاڼې  "استانبول خپل اروپايي سیالان شاته پرېښودل" د سرلیک لاندې لیکلي دي، د پراخې  وبا ناروغۍ  نه وروسته ، د تورکیې د ګرځندوی سکتور ودې ته دوام ورکوي  او د کال پای هدفونه یې د ۵۰ میلیون ګرځندویانو او ۴۴ میلیارد ډالرو عاید باندې بیاکتنه وکړه او د ګرځندوی په عمومي غونډه کې خپل هدف لا پسې لوړ کړ. په ۲۰۲۱ کال کې، استانبول د خپلو اروپایي سیالانو لکه امستردام، روم او سټاکهولم په تیریدو بریالی شو، او د ګرځندوی په عمومي غونډه کې  ې په نړۍ کې

۱۲م ځای خپل کړ. سږکال  استانبول د ۴۲ نړیوالو کنفرانسونو کوربه توب کړی دی. استانبول تمه کیږي چې په راتلونکو یو یا دو کلونو کې یو ځل بیا په غوره ۱۰ کې ځای ونیسي.

ییني شفق ورځپاڼې  "استانبول-صوفیا ایکسپریس د ۲۰۲۳ کال  ترټولو غوره سفري لارو څخه دی"  د سرلیک لاندې لیکلي دي ، لونلي پلانیټ شرکت چې  د سفر لارښود خپرولو کې د نړۍ یو له خورا مشهور  څخه دی چې له ۱۵۰ میلیون څخه ډیر کتابونه خپاره شوي ، په ۲۰۲۳ کال  کې د لیدو لپاره غوره سفرونه لیست  جوړ کړی دی. شرکت په خپل کلني غوره لیست کې ۳۰ جاذبې په پنځو کټګوریو کې لیست کړي دي: 'سفر، خواړه، زده کړه، استراحت او علاقه '. شرکت د استانبول - صوفیا ایکسپریس یو له غوره سفرونو څخه هم یادونه وکړه.