د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د صباح ورځپاڼې ” د برلین نه د راستنیدو  پر مهال د ولسمشر اردوغان مهمې څرګندونې “ د سرلیک لاندې لیکلي دي، د ترکیې ولسمشر رجب طیب اردوغان وویل چې  په لیبیا کې د ترکیې  موجودیت د سولې په اړه  امیدونه  ډیر کړي دي. ولسمشر اردوغان په جرمني کې  د لیبیا په اړه په جوړ شوي کنفرانس کې د ګډون نه وروسته  پرون  هیواد ته راستون شو. هغه په الوتکه کې  د مهمو مسئلو په اړه د خبریالانو پوښتنې ځواب کړې. ولسمشر اردوغان  په برلین کې جوړ شوي د لیبیا د کنفرانس په اړه د پوښتنې په ځواب کې وویل " که چیرې مونږ  یو قوي دولت  یو  نو د قوي دولت په توګه زمونږ نه  توقعات هم  ډیر دي. ترکیه د سولې  چابي  ده. د لیبیا په مسئله کې د ترکیې لخوا اوچت شوو ګامونو  توازن  رامنځته کړ. د لیبیا د  مسئلې سره  به هم  د جګړې په ډګر کې او هم د مذاکراتو په میز کې  مرستې ته دوام ورکړو.

د ینې شفق ورځپاڼې ” ابراهیم قالن : د برلین غونډه  د لیبیا د ستونزې د حل په خاطر  یو مهم  فرصت  دی “د ترکیې د ولسمشرۍ ماڼۍ  ویاند  ابراهیم قالن  وویل چې د برلین  سرمشریزه  په لیبیا کې  د اوربند  او  د نښتو د دریدو او سیاسي  حل لارې لپاره یو ډير  ښه  او مهم  فرصت دی.

هغه ویلي دي چې د ولسمشر رجب طیب اردوغان  اغیزمنې او هر اړخیزې ډیپلوماسۍ  ترکیه  پدې بهیر کې په یو ډیر مهم  اکټور  هیواد  بدل کړی دی.

ابراهیم  قالن دا څرګندونې د خپل ټویټر پاڼې له لارې کړي دي. هغه  په لیبیا کې د دوامداره اوربند  او سیاسي حل لارې د موندولو په خاطر پرون د جرمني په پلازمینه برلین کې د ترسره شوې  سرمشریزې په اړه  معلومات ورکړي دي.

هغه ددې خبرې په ټینګار ویلي دي چې د برلین  سرمشریزه په اصل کې په لیبیا کې د دوامداره اوربند  ، نښتو د درولو  او سیاسي  حل لارې   په خاطر  یو ډير مهم  او حیاتي  فرصت  دی.

د ترکیې ولسمشر رجب طیب اردوغان  اغیزمنې  او هر اړخیزې ډیپلوماسۍ  ترکیه پدې بهیر کې په یو ډیر مهم  اکټور بدل کړی دی.

ترکیه  به تل  د نیابتي جګړو  پر خلاف  سوله ایز  او ساختاري  سیاستونو ته  دوام  ورکړي.

د خبرترک ورځپاڼې ” د مالیې د وزیر مهمې څرګندونې  “ د سرلیک لاندې لیکلي دي، د ترکیې د خزانې او مالیې وزیر برات البیرق  د ۲۰۱۹ کال کال د ارزیابۍ  په غونډه کې  مهمې څرګندونې وکړې. هغه وویل چې ۲۰۲۰ کال به د ترکیې د اقتصاد لپاره یو لا روښانه  او قوي کال وي. په ۲۰۲۰ کال کې به د هیواد د انفلیشن کچه  د لس سلنې نه راټیټه کړو.

د حریت ورځپاڼې ” بهرنیانو تیر کال تر ټولو زیات په استانبول او انتالیا ولایتونو کې  غیر منقول اموال رانیولي دي “ د سرلیک لاندې لیکلي دي، په ۲۰۱۹ کال کې  بهرنیانو تر ټولو زیات د ترکیې د استانبول، انتالیا او پلازمینې انقرې په ښارونو کې  غیرې منقول اموال  پیرودلي دي. د ویلو ده چې تیر کال په استانبول کې په بهرنیو وګړو  د غیرې منقول اموالو  د پلورلو  کچه  د ۲۰۱۸ کال په پرتله  ۴۶ عشاریه ۲ سلنه لوړه شوې  او ۲۰ زرو ۸۵۷ ته لوړه شوې ده . همداشان په انتالیا کې بیا تیر کال  په بهرنیو وګړو  ۸۹۵۱ کورونه او په انقره کې بیا ۲۵۳۹ کورونه  پلورل شوي دي.

د سټار ورځپاڼې ” تکنوفیست  سږنی فیستیوال د هیواد په ختیځې برخه کې  جوړیږي“ د سرلیک لاندې  لیکلي دي، د ۲۰۲۰ کال  د تکنوفیست  فیستیوال  د هیواد د ملي مجادلې  د غازي  ښار  غازي انتپ په ولایت کې جوړیږي.

د هیواد  تر ټولو لوی  د هوايي، فضايي او تکنالوژۍ  فیستیوال  تکنوفیست د ۲۰۲۰ کال د سپټمبر په ۲۲ مه نيټه  په غازي انتیب ولایت کې  جوړیږي.   



اړوند خبرونه