د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د خبرترک ورځپاڼې ” د ټرمپ د اعتراض په مقابل کې د انقرې ډیر سخت غبرګون “ د سرلیک لاندې  لیکلي دي، امریکا متحده ایالتونو  لخوا  په سوریه کې  د پ ک ک ترهګرې ډلې د څانګو وای پ جي او پ وای ډي سره  د وسلو او مهماتو مرستې د ناټو په سازمان کې جدي بحران ته  لار هواره کړې ده . د امریکا متحده ایالتونو  ولسمشر ټرمپ  د ناټو  په هغه پلان چې  پ ک ک / وای پ جي او پ وای ډي  د ترکیې لپاره  د ستر تهدید په توګه  یاد کړي وو  اعتراض  وکړ. ددې په مقابل کې ترکیې  د بالتیک هیوادونو او پولنډ  لپاره  جوړ شوی امنیتي پلان  ویتو کړ. ترکیې د امریکا په مقابل کې  متقابل ګام اوچت کړ.

د سټار ورځپاڼې ” ترکیه د لسو کلونو په دننه کې ډیره زیاته قوي شوې “ د سرلیک لاندې  لیکلي دي، د جیوپولیتیکل فیوچر د شرکت  بڼسټګر  رئیس  او سیاستوال  جورج فریدمن  ویلي دي چې ترکیه  په تیرو ۱۰ کلونو کې ډیره  زیاته  قوي شوې ده  . هغه ویلي دي  لس کاله مخکې که چا ویلي وای چې ترکیه  د امریکا او روسیې سره  په میز تر شا  کینې  او خپله مفکوره  او غوښتنې پر هغوې  قبلوي  زما لپاره د منلو وړ نوه. خو نن  ورځ  د یوې  بلې ترکیې شاهدي کوو. د یوې لا قوي  او په خپلو خپو ولاړې ترکېې. ترکیه  اوس  د خپلو پولو امنیت  پخپله  د نیولو  توان لري. همداشان  ترکیه  د ځان لپاره  د خوښې وړ  او پوتانشیل  متحد د انتخابولو توان لري.

د وطن ورځپاڼې ” البیرق : مرکزي بانک او دولتي بانکونه به په خپل تاریخ کې تر ټولو مهم  تصمیم اعلان کړي “ د سرلیک لاندې  لیکلي دي، د ترکیې د خزانې او مالیې وزیر برات البیرق  وویل چې  مرکزي بانک او دولتي بانکونه به په خپل تاریخ کې خپل تر ټولو تاریخي  تصمیم  اعلان کړي. هغه وویل چې  د روان کال  څلورمې ربع ته  په کتو سره  یو ډیره  مثبته تابلو  تر سترګو کیږي. داسې ښکاري چې په څلورمه ربع کې د تمو او توقعاتو  نه زیات  د ۴ نه تر ۵ سلنې پورې  اقتصادي وده ولرو. هغه زیاته  کړه چې  ترکیې په ۲۰۱۹ کال کې  ۸۴ ټنه  سره زر  صادر  کړي دي.

د صباح ورځپاڼې ” د اقتصادي درجه بندیو د نړۍوالو سازمانونو په اند ترکیه مثبته اقتصادي وده  لري “ د سرلیک لاندې لیکلي دي، د پیسو نړۍوال صندوق، اقتصادي همکاریو او پراختیا سازمان ، نړۍوال مالي ادارې او درجه بندیو شرکتونو  د ۲۰۱۹ کال لپاره  د ترکیې اقتصادي وده  مثبته  اټکل کړې ده . همداشان  د ترکیې تولیداتو ظرفیت او ارقامو، د مصرف کوونکو د اعتماد اندکس  او د صادراتو  شمیرو ته  په کتو سره  پخپله  د مثبتې اقتصادي ودې  لپاره اشارې کوي. د اټکلونو له مخې ترکیه به په ۲۰۲۰ کال کې  ۳ عشاریه ۵ سلنه اقتصادي وده وکړي.

د حریت ورځپاڼې ” نشنل جیوګرافیک  په ۲۰۲۰ کال کې  د لیدو وړ مهم ځایونه انتخاب کړل، پدې نوملړ کې د ترکیې نوم هم  شامل  دی “ د سرلیک لاندې  لیکلي دي، د نړۍ مشهورې  مجلې  نشنل جیوګرافیک  د خپلو لوستونکو لپاره  په ۲۰۲۰ کال کې  د لیدو وړ  تر ټولو  مهم  ځایونه  انتخاب کړل. پدې لست کې د ترکیې د شانلي اورفا ولایت د ګوبکلي  تپې  نوم هم  شامل دی. په خبر کې راغلي دي چې  د ګوبکلي ټپې سیمه  په نړۍ کې تر ټولو  تاریخي  معبد  دی چې  د خپل  لومړني او اصلي حالت سره تر ننه پورې رارسیدلی دی.

د ویلو ده چې  د ګوبکلي تپه  د ملګروملتونو د یونسکو سازلمان لخوا د نړۍوالو میراثونو په لست کې هم  شامله شوې ده .



اړوند خبرونه