د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د ینې شفق ورځپاڼې « په ختیځې مدیترانه کې  میدان ډبول » د سرلیک لاندې لیکلي دي، د ترکیې وسله والو ځواکونو د شمالي قبرس ترک جمهوریت سره  په ګډه  د پلټنې او ژغورنې  تطبیقات  پیل کړل. د ویلو ده چې دا تطبقات به تر پنجشنبې ورځې پورې دوام وکړي. په قبرس کې د ترکیې ځواکونه به په ختیځه مدیترانه کې خپل طاقت  نندارې ته وړاندې کړي. پدې تطبیقاتو کې به نړۍ ته  دا ښکاره شي چې ترکیه په سیمه کې د خپل حق او ګټو نه  د دفاع په خاطر هره شیبه  پوره تیاري لري.

د حریت ورځپاڼې « د بالتک او نړۍوالې سمندري شورا مشري یوې چاپیریال دوستې ښځې ته  ورکړل شوه » د سرلیک لاندې لیکلي دي، د ترکیې د ولسمشر رجب طیب اردوغان میرمن  آمنې اردوغان د بالتک  او نړۍوالې سمندري شورا د مشرې په توګه د شادان کپتان اوغلو  د ټاکل کیدو له امله  خوښي څرګنده کړه.

آمنې اردوغان  په استانبول کې د چاپیریال او ښار جوړونې د وزارت لخوا پیل شوې  د هر ډول ضایعاتو د مخنیوي زرغونې پروژې  د معرفي په پروګرام کې وکړې. هغې وویل چې  د بالتک او سمندري چارو د نړۍوالې شورا د مشرۍ په توګه د یوې چاپیریال دوستې  ترک میرمنې  ټاکل کیدل  زمونږ  لپاره د ویاړ  او افتخار  ځای دی.

د خبرترک « د ترکیې نامتو ډاکټر عمره اوجاق  د طب مشهوره جایزه  ترلاسه کړه »  د سرلیک لاندې لیکلي دي، د پولیتزر ټولنې  چې په نړۍ کې  د ګوش او ګلو  په برخه کې  فعالیت کوي  سږنۍ  خپله مهمه  جایزه  د ترکیې د انقرې د طب پوهنتون  د ګوش ، ګلو او د عصب  د جراحي  د څانګې  ډاکټر عمره اوجاق  ته  ورکړه.

دې ټولنې  ډاکټر اوجاق ته  د غوږونو د ناروغیو په برخه کې د ترسره کړو تحقیقاتو  او پدې برخه کې د ځینې مهمو لاسته راوړنو له امله  ددې جایزې لایق ګڼلی دی.

ډاکټر اوجاق  په ځانګړې توګه  غوږونو د داخلي  برخو  له امله  د غږ د نه اوریدو د تداوۍ په برخه کې  مهمې لاسته راوړنې کړي دي.

د سټار ورځپاڼې « ترکش ایرلاین هوايي شرکت پخپله پیلوټان  روزي »  د سرلیک لاندې لیکلي دي، د ترکیې د ملکي هوايي چلند شرکت  ترکش ایرلاین  د استانبول نوي هوايي ډګر ته  د ګډه کولو  او د الوتنو د نقطو  د ډیرولو سره  د پیلوټانو اړتیا هم  مخ په ډیریدو  ده . یاد شوي شرکت  د  پیلوټانو په برخه کې د خپلو اړتیاو د پوره کولو په خاطر  پخپله د پیلوټانو د روزنې بهیر ګړندی کړی دی. یاد شوي شرکت  د پیلوټۍ په خاطر د نوو کسانو د جذب په خاطر  اعلان خپور کړ.

د وطن ورځپاڼې « د اینه ګول ګیلاس د انګلستان شاهۍ کورنۍ لپاره په ځانګړې توګه انګلستان ته صادریږي »  د سرلیک لانډې لیکلي دي، د ترکیې د بورسا ولایت د اینه ګول د ولسوالۍ د ناپولیون په نامه  ځانګړي ګیلاس  هر کال  په لومړني قدم کې  انګلستان او بیا وروسته  روسیې، جرمني او اوکراین ته صادریږي.

ویل کیږي دا ګیلاس په خاصه توګه  د انګلستان شاهي کورنۍ په خاطر انګلستان ته صادریږي.

تیر کال  د یادې شوې ولسوالۍ نه  ۸۰۰ ټنه ګیلاس نړۍ ته صادر شوي وو.



اړوند خبرونه