Претседателот на Собранието Шентоп со порака за добрини во новата 2022 година

Претседателот на Големото Народно Собрание на Турција (ТБММ) Мустафа Шентоп во објавената новогодишна порака посака новата година да придонесе за мирот, пријателство и солидарноста во земјата и во светот.

Шентоп во пораката го истакна следното: „Свет народе, нашите животи течат со текот на времето. Со секој нов почеток и со влегување во една нова година, сфаќаме дека најскапоценото нешто е времето и дека не е возможно да се надомести“.

Тој посака 2022 година да биде повод за добрини.

Изразувајќи желба новата година да придонесе за мирот, пријателството и солидарноста во земјата и светот, претседателот на Големото Народно Собрание на Турција (ТБММ) Мустафа Шентоп рече: „И покрај сите хуманитарни и економски тешкотии што ги донесе новиот тип коронавирус (Ковид-19), никогаш не се откажавме од нашата надеж за добри денови без епидемија. Знаеме дека ако делуваме заедно во овие тешки денови што ги доживееме, можеме да ги ублажиме сите болки и страдања и да ги олесниме сите тешкотии. Ви ја честитам новата година со овие чувства и мисли; Се надевам дека со лекциите што ги извлековме од изминатите години, мирот, спокојството и довербата ќе завладеат во нашата земја, во нашиот регион и во целиот свет.“