Претседателот Ердоган го соопшти Акциониот план за човекови права

Претседателот Реџеп Тајјип Ердоган денеска говореше на состанокот за презентација на Акциониот план за човекови права што се одржа во Конгресниот и културен центар „Миллет“ во претседателската палата „Куллијето“ во Бештепе, во Анкара.

Претседателот Ердоган истакна дека во подготвувањето на Акциониот план за човекови права одлучувачки беа потребите и барањата на народот.

Нагласувајќи дека Акциониот план за човекови права е подготвен за да се спроведува во период од две години, Ердган рече: „Нашиот план за акција чија визија беше утврдена како слободна единка, силно општество и демократска Турција, започнува со 11 основни принципи.“

Претседателот Ердоган ги наброи првите 3 од тие 11 принципи.

1- Човекот живее со неговите основни права со коишто располага од неговото раѓање. Основната цел и задача на државата е да ги заштити и развива овие права.

2- Човечкото достоинство е под ефикасната заштита на правото, како суштина на сите права.

3- Секој е еднаков пред правото без да станува збор за никаква дискриминација на основа на јазикот, расата, бојата на кожа, полот, политичката мисла, филозофското верување, религијата, сектата и слични причини.

Претседателот Реџеп Тајјип Ердоган вака ги наброи 9-те цели на Акциониот план за човекови права:

1- Посилен систем за заштита на човековите права

2- Независност на судството и зајакнување на правото на фер судење

3- Правна предвидливост и транспарентност

4- Заштита и развивање на слободите на изразување и организирање и верските слободи

5- Зајакнување на слободата и безбедноста на единката

6- Да се стави под гаранција физичкиот и духовниот интегритет и приватниот живот на личноста

7- Поефикасна заштита на имотните права

8- Заштита на кревките средини и зајакнување на општествената благосостојба

9- Административна и општествена свест на високо ниво по прашањето на човековите права