Во Турција започна вакцинацијата на учителите: Првата вакцина ја прими и министерот за национално образование Зија Селчук

Во Турција започна вакцинацијата и на учителите.

Процесот на вакцинација со првата доза вакцина на учителите и наставниците започна денеска во основното училиште „Арифегазили“ во градот Чорум.

Во училиштето првата доза вакцина ја прими и министерот за национално образование Зија Селчук.

Инаку, министерот Селчук претходно соопшти дека пред 1 март кога ќе започне образованието лице в лице на последната недела на февруари ќе почнат да се вакцинираат учителите и наставниците.

Министерот за национално образование Зија Селчук информира дека учителите можат да се вакцинираат во здравствените установи.

Учителите кои предаваат настава лице в лице се наоѓаа меѓу приоритетните групи на списокот за вакцинација во Турција.