Претседателот Ердоган: Откако ќе постигнеме успех во борбата што ја водиме, Турција ќе се најде меѓу најголемите во светот

Претседателот Ердоган рече: „Откако ќе постигнеме успех во борбата што ја водиме, Турција ќе се најде меѓу најголемите во светот, политички и економски.“

1519674
Претседателот Ердоган: Откако ќе постигнеме успех во борбата што ја водиме, Турција ќе се најде меѓу најголемите во светот

Претседателот Реџеп Тајјип Ердоган во градот Самсун говореше на 7. редовен Конгрес на градскиот огранок на својата владејачка Партија за правда и развој АКП (АК Партијата).

Претседателот Ердоган во својот говор им посака милост од Аллах на загинатите во земјотресот во Измир, го изрази своето сочувство до блиските на жртвите, а на повредените им посака побрзо оздравување.

Ердоган воедно ги сподели најновите иформации во врска со човечките загуби во земјотресот во Измир и информира дека бројот на загинатите граѓани се зголеми на 58 лица, а 896 лица се повредени од кои продолжува лекувањето на 214 лица.

„Одлучни сме да ги санираме раните на нашите браќа од Измир погодени од земјотресот, пред да започнат студовите и врнежите.“ - рече претседателот Ердоган.

Велејќи „Пред нас се наоѓаат силните (моќниците) на последниот век“, претседателот Реџеп Тајјип Ердоган во својот говор го рече следното: „Не е лесно да се овозможи овие тирани кои својата моќ ја должат на зулумот (тиранијата), пролевањето на крв, експлоатацијата на општествата (народите) со измама и притисок (насилство), да прифатат дека играта веќе е променета. Не можеа да ја потчинат (заробат) Турција со тутурство, не можеа да ја принудат Турција да потклекне на колена, не можеа да ја соборат Турција со пуч, не можеа да и постават пранги на Турција со закана, опсада, ембарго. Не ќе можат да ја потчинат Турција и со економија.“

Претседателот Ердоган, воедно го додаде и следното: „Откако ќе постигнеме успех во борбата што ја водиме, Турција ќе се најде меѓу најголемите во светот, политички и економски.“



Слични вести