Калин: Турција е апсолутно против било каква поделба на Либија и ќе продолжиме да ја поддржуваме

Портпаролот Ибрахим Калин истакна дека Турција и дава поддршка на Владата во Либија кадешто се наоѓа на нејзина покана и ја достави следната јасна порака: „Ние сме апсолутно против поделбата на Либија на картата, политички или географски“

1459349
Калин: Турција е апсолутно против било каква поделба на Либија и ќе продолжиме да ја поддржуваме

Портпаролот на претседателскиот кабинет Ибрахим Калин во програмата на еден приватен телевизиски канал даде изјави во врска со случувањата во Либија. 

Калин рече: „Ние сме апсолутно против поделбата на Либија на картата, политички или географски.“

Велејќи дека Турција и дава поддршка на Владата во Либија кадешто се наоѓа на нејзина покана, Калин ја достави следната јасна порака: „Ние ќе продолжиме да ја поддржуваме либиската Влада.“

Портпаролот Ибрахим Калин нагласи дека Халифа Хафтар, водачот на нелегитимните вооружени сили во источниот дел на Либија и наштетува на земјата и без да располага со било каква легитимност се обидува да ја подели земјата и да ја презеде контролата.

„Уште од самиот почеток им велиме на земјите кои го поддржуваат Хафтар во Либија дека Тој не е доверлив партнер и дека две години како ги прекршува сите договори за прекин на огнот и мировниот процес. Ние сме на страната на политичкиот процес во Либија, не сакаме воена затегнатост. Освен тоа, ние сме и против поделбата на Либија помеѓу Бенгази и Триполи, тоа се опасни мисли за нас од коишто треба да се избегнува.“ - порача Калин.

На едно поставено прашање во однос на тоа „Дали военото присуство на Турција во Либија ќе биде трајно?“, портпаролот на претседателскиот кабинет Ибрахим Калин одговори со следните зборови: „Либија е суверена земја и таа самата одлучува за тоа со кои други земји какви видови договори сака да склучува, било политички, било воени, социјални и економски. Ние сме апсолутно против поделбата на Либија на картата, политички или географски. Тоа би било катастрофално сценарио. Ги видовме примерите од тоа во Ирак, Сирија и во други земји, така да треба да извлечеме лекција од тоа.“



Слични вести