Претседателот Ердоган на турнеја по Франција, Белгија и Јапонија

Претседателот Р. Т. Ердоган денеска заедно со неговата сопруга Емине Ердоган и со неколкумина министри заминa за Франција

387501
Претседателот Ердоган на турнеја по Франција, Белгија и Јапонија

Претседателот на Републиката Реџеп Тајјип Ердоган денеска ја започна турнејата во чии рамки ќе ги посети Франција, Белгија и Јапонија.

Ердоган во 13:00 часот според турско време со специјалниот авион „TUR“ замина за Франција. првата станица од неговата турнеја.

Заедно со претседателот Ердоган за Франција заминаа и неговата сопруга Емине Ердоган, министерката за ЕУ Берил Дедеоглу, министерот за енергија и природни ресурси Али Риза Алабојун и министерот за култура Јалчин Топчу.  

Ердоган најпрвин ќе учествува на манифестацијата „Национално единство против тероризмот“ што ќе се одржи во францускиот град Стразбур, а потоа ќе се состане со турските граѓани кои живеат во Франција.

На 5 и 6 октомври претседателот Ердоган на покана на белгискиот крал Филипе ќе престојува во посета на Брисел.

Ердоган ќе се состане со кралот Филипе и со белгискиот премиер Шарл Мишел.

Освен тоа претседателот Ердоган во Брисел ќе оствари средби и со високи функционери на ЕУ по што на 6 октомври заедно и со белгискиот крал Филипе свечено ќе го отвори Фестивалот за култура и уметност Еуропалија чиј почесен гостин е Турција.

Претседателот на Републиката Реџеп Тајјип Ердоган по посетата на Белгија ќе замине во посета на Јапонија каде што ќе се состане со јапонскиот император Акихито и со премиерот Шинзо Абе.


Тагови:

Слични вести