Поддршка од Европската Унија за преговарачкиот процес во Турција

Европската унија соопшти дека е задоволна од одлуката на турската влада за заживување на преговорите со цел престанување на терористичките активности во земјата и за преземање на мерки за продолжување на прекинот на огнот.

Високата европска претставничка за надворешна политика и за безбедност Кетрин Ештон и европскиот комесар задолжен за проширувањето и за добрососедските односи Штефан Филе издадоа заедничко соопштение до јавноста во кое се истакнува увереност дека новиот закон ќе претставува посилна основа за преговорите и дека може да има голем придонес во стабилноста на Турција и почитувањето на човековите права.

Во соопштението се подвлекува дека Европската унија ги поддржува напорите во правец на мир во континуитет.