Во бомбашки напад врз минибус со цивили во Авганистан загинаа 6 лица, 10 мина се ранети

Во реализиран бомбашки напад врз минибус кој превезувал цивили во провинцијата Херат во западниот дел на Авганистан, животите ги загубија 6 лица, а 10 лица се ранети.

Дирекцијата на полицијата на талибанската управа во Херат соопшти дека е извршен бомбашки напад врз минибус кој превезувал цивили во областа Хаџи Абас во Херат, во Авганистан.

Главниот лекар на државната болница во Херат Мухамед Ариф Џелали истакна дека во нападот животите ги загубија 6 лица меѓу кои има и жени, а 10 лица се ранети.

Засега никој не ја презеде одговорноста за нападот.