Путин разговараше со Советот за безбедност за безбедноста на руските граници

Путин во говорот што го одржа во делот од состанокот отворен за медиумите истакна дека ќе разговараат за прашања поврзани со организацијата на работата во пограничните региони на Русија

1761042
Путин разговараше со Советот за безбедност за безбедноста на руските граници

Рускиот претседател Владимир Путин одржа состанок со членовите на Советот за безбедност на кој беше разговарано за безбедноста на границите на земјата.

Путин во говорот што го одржа во делот од состанокот отворен за медиумите истакна дека ќе разговараат за прашања поврзани со организацијата на работата во пограничните региони на Русија.

Тој рече: „Има многу проблеми во врска со безбедносните и инфраструктурните прашања на границите.“

Инаку, Русија во декември 2021 година достави два нацрт договори до Соединетите Американски Држави (САД) и до НАТО во кои беа вклучени предлози во врска со различни безбедносни гаранции, додека завчера во Женева, Швајцарија, меѓу Русија и САД се одржаа разговори поврзани со безбедноста.

Состаноците на Советот НАТО - Русија ќе се одржат денеска во Брисел, главниот град на Белгија, а состаноците на Организацијата за безбедност и соработка на Европа (ОБСЕ) ќе се одржат утре (13 јануари, четврток) во Виена, главниот град на Австрија.



Слични вести