Велика Британија ја повика Русија да ги ослободи украинските политички затвореници

Велика Британија ја повика Русија која нелегално го анектираше Крим да ги ослободи над 100-те украински политичари кои ги уапси во Русија.

Во соопштението кое беше објавено  од британското Министерство за надворешни работи беше наведено дека поминаа 7 години од незаконското присоединување на Крим од страна на Русија и дека Велика Британија ја повторува силната поддршка за територијалниот интегритет и суверенитет на Украина.

Во соопштението се потенцира дека се поздравува Кримската платформа, која има за цел да ја собере меѓународната заедница заедно за да обезбеди вклучување на Крим кон Украина, а исто така беше повторен повикот: „Ја повикуваме Русија да ги ослободи над 100-те украински политичари кои беа уапсени на Крим и во Русија“.

Во соопштението беше истакнато дека Велика Британија даде 700 илјади фунти на Мисијата на Обединетите нации (ОН) за набљудување на човековите права за откривање на повредите на човековите права на Крим, а оваа година ќе се дадат 168 илјади фунти за да им се помогне на болниците и апликантите за пасоши во регионот Керсон.

Во соопштението беше објавена и проценката на Министерот за надворешни работи Доминик Рааб, кој рече дека неговата земја е страната на Украина против анексијата на Крим.

Рааб истакна дека Русија, со спречување на влезот на меѓународните набљудувачи на Крим се обидува да ги прикрие кршењата на човековите права и дека тесно соработуваат со ОН и другите меѓународни партнери за да се докаже дека Русија е одговорна за сето тоа што се случи.