Лавров ги повика САД на оперативна соработка во Сирија

Русија ги повика САД на оперативна соработка во Сирија.

Рускиот министер за надворешни работи Сергеј Лавров истакна дека неговата земја е спремна повторно да ја започне соработката со американската армија, а како што рече за спречување да дојде до неочекувани и непожелни случувања во Сирија.

Лавров наведе дека оперативната соработка со Вашингтон која е суспендирана треба да биде продолжена.

Рускиот министер за надворешни работи го додаде и тоа дека неговата земја ќе продолжи да му испорачува оружје на режимот во Сирија за помош во борбата против терористичката организација ДЕАШ (ИДИЛ).