Странски печат 11.12.2020

Арапскиот весник „Ал Кудс Ал Араби“ кој се објавува во Лондон:Јорданскиот крал Абдулах втори : „Никако и никако нема да се воздржуваме од одбрана на светоста, идентитетот и историјата на Ерусалим (Кудс).“

Катарскиот информативен сервис „Ал Џезира“:Англискиот информативен веб сајт „Блискоисточно око- Middle East Eye“: Израел со убиството на иранскиот научник Мухсин Фахризаде се обиде да го вовлече Иран во војна... Но досега беше неуспешен.“

Катарскиот информативен сервис „Ал Џезира“:Турција одговори на можноста од санкции: „Јазикот на закана нема да вреди.“

Јорданскиот весник „Ал Дустур“:Ирачкиот премиер Мустафа Ал Ќазими води иницијатива на обемен национален дијалог за создавање погодна средина за одржување на предвремени избори догодина.

Германскиот информативен сервис „Дојче Веле“: Германската канцеларка Ангела Меркел привлече внимание дека поради пандемијата се доживува конкуренција и промена на рамнотежите на сила помеѓу политичките системи во светот.

Германскиот весник „Зудојче Цајтунг“: На Лидерскиот самит на Европската унија (ЕУ) е надмината кризата за буџетот.

Шпанскиот весник „Ел Паис“:Шпанскиот премиер Педро Санчез се противи на започнувањето на дискусиите во врска со монархијата.

Шпанскиот весник „Ел Мундо“:Поранешниот шпански крал Хуан Карлос први ја изрази својата желба да се врати назад во Шпанија во новата година, а како што рече доколку неговиот син кралот Фелипе шести го прифати тоа.

Венецуелскиот телевизиски канал „ТелеСур“:Кубанскиот претседател Мигуел Диаз-Канел нагласи дека со економскиот план што ќе го стават во примена почнувајќи од 1 јануари 2021 година имаат за цел да се постигне економски раст и продуктивност.

Рускиот информативен портал „Gazeta.ru“:Секретаријатот за финансии на САД воведе санкции против претседателот на Чеченија (во склопот на Русија) Рамиз Кадиров, а со образложение дека ги прекршува човековите права.

Руската новинска агенција „Регнум“: Руското министерство за одбрана соопшти дека преку интернет се води кампања на зацрнување против вакцината против коронавирусот којашто е произведена во земјата.

Рускиот весник „Известија“: Кинескиот министер за надворешни работи Ванг Ји рече дека Кина и Русија се две земји кои постигнуваат глобална стабилност во последно време.

Францускиот весник „Ле Монд“: Француската Влада која вели дека не заврши вториот бран ги соопшти новите здравствени мерки.

Францускиот телевизиски канал „Франс 24“: Израелскиот премиер Бенјамин Нетанјаху ја дочекува позитивно нормализацијата со Мароко, додека Хамас вели дека тоа претставува „политички грев“.

Францускиот весник „Ле Фигаро“: По изјавите на францускиот претседател Емануел Макрон особено по прашањето на контролите, полицијата одржа протест во Стразбур.