Бакир Изетбеговиќ ја обвини Русија за мешање во внатрешните работи на земјата

Наведувајќи дека се во постојана координација со Џаферовиќ, кој е исто така член на СДА, Изетбеговиќ рече дека немал таков однос со Комшиќ

1546762
Бакир Изетбеговиќ ја обвини Русија за мешање во внатрешните работи на земјата

 

Бакир Изетбеговиќ, лидерот на Партијата за демократска акција (СДА), која важи за најголема бошњачка партија во Босна и Херцеговина, истакна дека Русија радикално е вклучена во внатрешните работи на Босна и Херцеговина.

Во рамките на посетата на градот Мостар во пресрет на локалните избори во недела, Изетбеговиќ се осврна на контактите на рускиот министер за надворешни работи Сергеј Лавров во Босна и Херцеговина кои предизвикаа контроверзност и дискусии.

Одговарајќи на наводите на Шефик Џаферовиќ, бошњачкиот член на Претседателскиот совет на Босна и Херцеговина и Жељко Комшиќ, хрватскиот член на Претседателскиот совет на Босна и Херцеговина кои одбиваат дека се сретнале со Лавров, Изетбеговиќ рече дека изнесените тврдења не се точни.

Наведувајќи дека се во постојана координација со Џаферовиќ, кој е исто така член на СДА, Изетбеговиќ рече:

„Но, немаме таков однос со Комшиќ. Со него разговаравме само за НАТО“.

Подвлекувајќи дека Џаферовиќ и Комшиќ се респектни политичари, Изетбеговиќ истакна дека Русија нуди селективна поддршка без оглед што прават, на водачите на Република Српска (РС), еден од двата ентитета во Босна и Херцеговина.

Потенцирајќи дека Русија е радикално вклучена во внатрешните работи на Босна и Херцеговина, Изетбеговиќ рече:

„Грешката на Лавров е што не ги почитува симболите и законите на Босна и Херцеговина. Тој, со своето однесување ги испровоцира Џаферовиќ и Комшиќ.“

Лавров, кој на 14 декември престојуваше во посета на Босна и Херцеговина, прво замина во Источно Сараево во Република Српска (РС) каде што се состана со српските претставници, додека  неприсуството на знамето на Босна и Херцеговина на состанокот, предизвика реакции.

Врз база на овој настан, Џаферовиќ, босанскиот член и Комшиќ, хрватскиот член на Претседателскиот совет на Босна и Херцеговина  одбија да се сретнат со Лавров, кој престојуваше во официјална посета на нивната земја.

Додека Заферовиќ и Комшиќ изјавија дека Лавров не ја почитувал Босна и Херцеговина и нејзините институции, Лавров го изнесе тврдењето дека двајцата членови на Советот дејствувале според упатствата на другите.



Слични вести