Протести во Грција

Вработените во локалната управа во Грција одржаа протести против укинувањето на дополнителните плаќања

1150261
Протести во Грција

Вработените во локалната управа во Грција во знак на протест против укинувањето на дополнителните плаќања на комуналните работници за чистење извршија упад во зградата на Министерството за финансии.

На повик на Федерацијата на вработените во локалната самоуправа (ПОЕ-ЕТА), вчера вработените во локалната самоуправа одржаа 24 часовен штрајк, се собраа пред зградата на Министерството за финансии во Атина и одржаа протест против уредбите и регулативите со кои се предвидува укинување на дополнителните плаќања на работниците за чистење.

Дел од демонстрантите го поминаа полицискиот кордон кој се наоѓаше пред зградата на министерството и се искачија до четвртиот кат каде што се наоѓа просторијата на министерот за финансии Ефклидис Чакалотос.

Демонстрантите одржаа средба со заменик министерот Стергиос Пичиорлас, бидејќи министерот Чакалотос не беше на место и побараа да не се укинат дополнителните плаќања на работниците за чистење.

Заменик министерот Пичиорлас рече дека барањето ќе му го пренесе на министерот Чакалотос, а веднаш потоа демонстрантите ја напуштија просторијата.

Грција, покрај тоа што заврши спроведувањето на програмата за спасување и натаму е изложена на строга контрола од страна на ЕУ и ММФ.

Во тие рамки многу често се критикуваат и политиките за стегање на ременот на доверителите кои беа поставени како еден од предусловите за доделување на кредитите.



Слични вести