Дигитални дискусии од „TRT World Forum“ на тема „Глобалната пандемија и вакцина-дипломатијата“

Во серијата „Дигитални дискусии“ коишто се организираат од страна на „ТРТ Ворлд Форум“ (TRT World Forum) под насловот „Новите динамики во глобалниот поредок“ ќе се разговара на тема „Глобалната пандемија и вакцина-дипломатијата“.

Според објавеното соопштение од страна на Турската радио и телевизија (ТРТ), модератор на седницата што ќе се организира во соработка со „ТРТ Ворлд Форум“ (TRT World Forum) и „TRT World Citizen“ (ТРТ Ворлд Цитизен) ќе биде професорот на катедрата за социологија при Универзитетот Мармара и искусниот член на Центарот за истражување на ТРТ Ворлд Талип Ќучукџан. 

На сесијата на која ќе се дискутира за влијанијата на Ковид-19 над глобалното народно здравје, освен тоа ќе се разговара и за појавата на вакцина-дипломатијата, вакцина-национализмот и резултатите од конкуренцијата во врска со вакцините, ќе имаат свои излагања координаторот на проектот за здравствена безбедност во Турција на Светската здравствена организација (СЗО) д-р Иршад Али Шаик, искусниот клинички професор на Медицинскиот факултет на Универзитетот Ексетер Бхарат Панкханиа и заменик директорот на Центарот за контрола и спречување на болести на Африка Ахмед Огвел Оума.

Сесијата којашто ќе започне вечерва во 20:00 часот по турско време ќе може да се следи во живо на профилите на „ТРТ Ворлд Форум“ (TRT World Forum) и „TRT World Citizen“ (ТРТ Ворлд Цитизен) преку социјалните медиуми.