Алтун «Кризистик байланыш семинарынын» ачылышында сөз сүйлөдү

Президенттиктин Коммуникация башкармалыгынын башчысы Фахреттин Алтун, Сириянын ырааттуулугу жана коопсуздугу Түркиянын эң башкы приоритети болууну уланта турганын билдирди.

Фахреттин Алтун Президенттиктин Коммуникация башкармалыгы тарабынан уюштурулган «Кризистик байланыш семинарынын» ачылышында сөз сүйлөдү.

Сириядагы окуяларга токтолгон Алтун, 13 жылдын аягында 60 жылдан ашуун убакыттан бери өлкөсүн кысым жана зулумдук менен башкарган Баас режиминин кулатылганын жана Сирияда 8-декабрдан тарта жаңы барак ачылганын айтты.

Түркиянын 13 жылдык процессте Сирия кризисинен таасирленген актерлордун башында турганын баса белгилеген Алтун, бул процессте Түркиянын улуттук коопсуздугу, саясаты, экономикасы жана социалдык тынчтыгы олуттуу тобокелчиликтерге жана коркунучтарга дуушар болгондугун, бирок буга карабастан Сирия кризисине чечүүчү жол издөөнү эч качан таштабаганын, террордук уюмдар менен жалгыз күрөшкөнүн түшүндүрдү.

Түркиянын Сириянын биримдигин жана жеринин бүтүндүгүн колдой турганын баса белгилеген Фахреттин Алтун сөзүн төмөнкүчө улантты:

"Сирияда ар дайым чечимдин, тынчтыктын жана адилеттиктин тарабында болгонубуз сыяктуу эле мындан ары да тынчтык, эркиндик жана адилеттүүлүккө негизделген саясаттарыбызды улантабыз. Түркия катары Сириянын ырааттуулугу, коопсуздугу жана Сирия элинин эркин эрктүүлүгүнүн көрүнүшү биздин эң жогорку жана эң маанилүү приоритетибиз".

Түркиянын жапа чеккендер үчүн коопсуз порт экенине басым жасаган Фахреттин Алтун, сириялык баш калкалоочулардын өз мекенине коопсуз, ыктыярдуу жана тартиптүү түрдө кайтуусу үчүн өкмөттүн керектүү кадамдарды таштай турганын билдирди.