Куртулмуш бюджет сүйлөшүүлөрүнүн ачылышында сөз сүйлөдү

Түркия Улуу Улуттук Жыйынынын төргасы Нуман Куртулмуш Сирияда тарыхый бурулуш болгонун айтты.     

Нуман Куртулмуш Парламенттин жалпы жыйынында 2025-жылдын бюджет сүйлөшүүлөрүнүн ачылышында сөз сүйлөдү. 

«Эркин жана демократиялуу Сириянын түзүлүүсү үчүн Түркия катары өз милдетибизди аткарууга аракет кылабыз»,-деген Куртулмуш: «Түркиянын негизги приоритеттеринин бири да – көптөгөн жылдардан бери өлкөбүздө коноктолгон иммигранттардын коопсуз жана ыктыярдуу түрдө өз өлкөсүнө кайтуусун камсыздай турган процессти тездетүү»,-деди.

Парламенттин жалпы жыйынында 2025-жылдын бюджетин талкуулоодо сөз сүйлөгөн вице-президент Жевдет Йылмаз Сириядагы окуяларга да баа берди.

Сириядан Түркияга багытталышы мүмкүн болгон террор коркунучтарына каршы бардык чаралардын көрүлгөнүн айткан Жевдет Йылмаз: «Сириялык боордошторубуз аман-эсен, коопсуз жана өз ыктыярлары менен өлкөсүнө кайтышат»,-деди.