Түркмөнстандын президенти Өмер Болатты кабыл алды

Соода министри Өмер Болат Түркия менен Түркмөнстандын ортосундагы 5 миллиард долларлык соода көлөмүнө эң кыска убакытта жетишүүнү максат кылгандарын айтты.

Өмер Болат борбор шаар Ашхабадда өткөрүлгөн 11-Түркмөнстан -  түрк экспорттук продукция жарманкесине катышуу үчүн барган Түркмөнстанда президент Сердар Бердымухамедов тарабынан кабыл алынды.

Болат бул жердеги баа берүүсүндө, күчүн бир туугандык байланыштан алган түрк-түркмөн карым-катнаштарынын өзгөчө акыркы мезгилде чоң ийгиликтерге жетишкенин белгилеп, Түркмөнстан менен соода жана экономикалык карым-катнаштарын Түркмөнстандын министрлер  кеңешинин төрага орун басары Нөкергулы Атагулыев  менен координация ичинде уланткандарын белгиледи.

Министр Болат биргелешкен аракеттердин натыйжасында соода көлөмүнүн 2,7 миллиард долларга жакындаганына көңүлдөрдү буруп : "Өз ара инвестицияларыбыз 200 миллион доллардан ашты жана  подрядчыларыбыз  Түркмөнстанда 53,5 миллиард долларлык 1100гө жакын долбоорду ишке ашырышты. Соода, инвестиция жана контракт тармагында кызматташуубузду мындан ары да өнүктүрүүгө болот. Эң чоң максатыбыз 5 миллиард долларлык соода көлөмүнө кыска убакытта жеткирүү".

Соода министри Болат  сапатын ийгиликтери менен далилдеген түрк подрядчыларынын Түркмөнстанда жаңы долбоорлорду ишке ашырууга даяр экенин белгилеп, салтка айланган Түркмөнстан-Түркия экспорттук продукция жарманкесинин эки тараптуу кызматташууга жетишүүсүнө көмөктөшүүчү ролду ойноорун айтты.