Хакан Фидан НАТО жыйынына катышат
Эки күндүк жолугушуунун актуалдуу темаларынын арасында Сириядагы туруксуздук, Израилдин чабуулдары жана Украинанын аймактык бүтүндүгү болот.
Тышкы иштер министри Хакан Фидан бүгүн Бельгиянын борбор шаары Брюсселде өткөрүлө турган НАТОнун тышкы иштер министрлеринин жыйынына катышат.
Эки күндүк жолугушуунун актуалдуу темаларынын арасында Сириядагы туруксуздук, Израилдин чабуулдары жана Украинанын аймактык бүтүндүгү болот.
Баш катчы Марк Рютте кызматын баштагандан кийин өткөрүлгөн НАТОнун биринчи тышкы иштер министрлеринин жыйыны үч сессиядан турат.
Иорданиянын Королу Абдуллах 2 да катыша турган биринчи сессияда Жакынкы Чыгыштагы абал талкууланат.
Министр Фидан бул сессияда Түркиянын Сириядагы окуяларды жакындан байкаганын баса белгилейт. Фидан Түркиянын Израиль - Палестина маселеси боюнча көз караштарын кесиптештери менен бөлүшөт.
Хакан Фидан НАТО-Украина кеңешинин сессиясында Түркиянын Украинанын жеринин бүтүндүгүн колдой турганын кайталайт.
Министр Фидан Европа Биримдигинин мүчө эмес союздаштарга убадаларын орундатуусунун маанисине көңүл бурат.
НАТОнун тышкы иштер министрлеринин жыйынынын акыркы сессиясына союздаш өлкөлөр гана катышат.
Бул сессияда Фидан союздаштардын ортосундагы коргонуу продукцияларынын соодасындагы тоскоолдуктардын жоюлушуна жана терроризмге каршы толук тилектештикке басым жасайт.
