Түркиянын мектепке чейинки билим берүү көрсөткүчүндө чоң өсүш...

Улуттук билим берүү министри Юсуф Текин Түркиянын мектепке чейинки билим берүүсүнүн бардык өлкөлөр арасында эң көп өскөн өлкө болгонун белгиледи.

Министр Текин, социалдык медиа эсебинен жасаган билдирүүсүндө, мектепке чейинки билим берүүдө алынган көндүмдөрдүн баланын кийинки жашоосунда жана кийинки билим деңгээлинде кабыла турган кыйынчылыктар менен күрөшүү жөндөмүн гана арттырбастан, ал ийгиликтүү, бактылуу жана жемиштүү болушу үчүн мүмкүнчүлүк түзөөрүн баса белгиледи.

Текин: «Жасаган иштерибиз менен 2023-2024-окуу жылында 5 жашта мектепке чейинки билим берүү системасына кабыл алуу пайызын 95,44 пайызга жеткирдик. Ошентип, OECDдин Билим берүү боюнча баяндамасына караганда Түркияны Мектепке чейинки билим берүү боюнча көрсөткүчтө бардык өлкөлөрдүн ичинен эң чоң  өсүштү камсыз кылган өлкөгө айландырдык»,-деп айтты.

Текин балдарды эрте балалык жана мектепке чейинки билим берүү тармагында илимдин негизинде улуттук жана руханий баалуулуктар менен калыптанган жаңы жана ар түрдүү изилдөөлөр менен тааныштырууну уланта тургандарын белгиледи.