Түркиянын чөлдөшүү менен күрөшүүдөгү жол картасы COP16да билдирилет

Түркиянын «Чөлдөшүүгө  каршы күрөшүү боюнча улуттук стратегиясы жана иш-аракет планы» Бириккен Улуттар Уюмунун чөлгө каршы күрөшүү конвенциясы (UNCCD) COP16да жарыяланат.

Кургакчылык, миграция, кум жана чаң бороондору, туруктуу айыл чарба азык-түлүк системалары сыяктуу көптөгөн маанилүү темалар карала турган COP16, Сауд Аравиянын борбор шаары Эр-Риядда 2-13-декабрь күндөрү өткөрүлөт.

Бул багыттар боюнча кызматташтыкты бекемдөө максатында COP16га дүйнөнүн булуң-бурчунан келген өлкөлөрдүн өкүлдөрү да чогулат.

Түркия COP16га катуу даярданууда.

Экология,  шаар куруу жана климаттын өзгөрүшү министрлиги тарабынан жүргүзүлүп жаткан иштер менен COP16да климаттын өзгөрүшү, чөлгө айлануу, эрозия жана кургакчылыкка каршы күрөшүүдө глобалдык кызматташтыкка салым кошуу максат кылынууда.

Экология, шаар куруу жана климаттын өзгөрүшү министри Мурат Курум COP16да Түркиянын чөлгө каршы күрөшүү боюнча улуттук стратегия жана иш-аракеттер планын жарыялайт.

Курум өзгөчө климаттын өзгөрүшү менен күрөшүү жана экология тармагында  кызматташуу боюнча эки тараптуу жолугушууларды да өткөрөт.

COP16дагы Түркия павильонунда өзгөчө чөлдөшүү, кургакчылык жана туруктуу айыл чарбасы боюнча көптөгөн панелдер жана иш-чаралар өткөрүлөт.