Собажы TRT World форуму тууралуу маалымат берди

Түркия радио жана телекөрсөтүү мекемеси (TRT) тарабынан уюштурулган TRT World форуму 29-30-ноябрь күндөрү Стамбулда «Сынуу чекитиндеги дүйнө: кризистерди жана трансформацияларды башкаруу» темасы менен өткөрүлөт.

ТРТнын башкы директору Захид Собажы 2017-жылы биринчи жолу уюштурган TRT World форуму менен дүйнөнүн көңүлү Түркияга бурула турганын айтты.

Дүйнөнү жашоого ылайыктуу жана адилеттүү бир жер кыла турган идеялардын талкуулана турган платформа түзүү максатында TRT World форумун баштагандарын белгилеген Собажы, дүйнөдө болуп жаткан окуяларды, моноцентрдик медиа көз карашынан куткарыш үчүн алардын атынан көп жылдар бою жасаган аракеттери менен кененирээк көз караштан алганда, муну катуураак үн менен билдирүүнүн жолдорун издеп жатышканын түшүндүрдү.

TRT World форумунун бир гана талкуу аянтчасы эмес, ошондой эле эл аралык маселелерге конкреттүү чечимдер сунушталган өз ара аракеттенүү талаасы экенин баса белгилеген Собажы мындай деп улантты: «Ушул мааниде форумубуз глобалдык деңгээлде өз тармагындагы адистерди чогултуп, кызматташтыктын пайдубалын түптөөдө роль ойнойт. TRT World форуму менен ар башка аймактарда зулумга дуушар болгондордун көтөрүлүп жаткан үнүн угабыз. Эзилгендерден тышкары көрмөксөнгө салынган жана жалгыз калгандарды да эл аралык күн тартибине алып чыгабыз»,-деди.

«TRT World форуму ошондой эле президентибиз Режеп Таййип Эрдогандын «Дүйнө бештен чоң» деген билдирүүсүндө чагылдырылган жана «Адилеттүү дүйнө мүмкүн» деген ураан менен бекемделген түшүнүктүн бир көрүнүшү. Эзилгендерди эзген жана эзилгендерге унчукпай турган үстөмдүк кылган глобалдык системага каршы позициянын билдирүүсү. Муну өзгөчө белгилеп кетким келет, биз муну, TRT World форуму, президентибиздин жетекчилигинде согуштун ордуна тынчтыкты, көйгөйлөрдүн ордуна чечимди койгон жана бардык адамдардын укуктарын коргогон өлкөбүздүн көз карашынан алган шыктануу менен жасайбыз. Биз эл аралык макулдашууларга жетишүүдө жана дүйнөнүн келечегине тиешелүү бардык маселелер боюнча идеяларды талкуулоо жана өнүктүрүү үчүн негиздерди түзүүдө маанилүү роль ойнойбуз».

Собажы форумга президент Режеп Таййип Эрдоган менен министрлердин катышуусунун пландалганын айтты.

Бул жылы форумга түрдүү аймактардан 1500дөн ашуун катышуучунун жана 30дан ашуун өлкөдөн 150гө жакын баяндамачынын катыша турганын түшүндүргөн Собажы, эки күндүк иш-чарада баяндамачылардын ачык сессияларда жана тегерек стол жолугушууларында маанилүү маселелерди талкуулай турганын айтты.

Климаттык кризистен экономикага, геосаясаттан технологияга, медиадан эл аралык укукка чейин күн тартибиндеги маанилүү маселелердин карала турганын белгилеген Захид Собажы, форумдун алкагындагы сессияларга мурдагы президенттердин, ар кайсы өлкөлөрдөн мурдагы жана азыркы министрлер, эл аралык мекемелер менен уюмдардын жетекчилери жана өкүлдөрү, бейөкмөт уюмдар, укук коргоочулар жана ишкерлер катышаарын билдирди.

Собажы эксперттер менен академиктердин ортосунда өткөрүлө турган тегерек стол жолугушууларында Африкадан Европага, Борбор Азиядан Азия Тынч океанга чейин дүйнөнүн ар кайсы бөлүктөрүндө болгон эң маанилүү суроолорго жана көйгөйлөргө жооп жана чечим изделе турганын түшүндүрдү.

Газа темасынын бир гана TRT World форумунда эмес, ТРТнын жыл бою уюштурган бардык иш-чараларында жана берүүлөрүндө да күн тартибинде болгонуна көңүл бурган Собажы, Газада уланып жаткан кыргындын форумдун көрүнүктүү сессияларында карала турганын айтты.

ТРТнын башкы директору Собажы:«Кызыкчылык менен карала турган маанилүү тема «Түркия» болот. «Глобалдык коргонуу өнөр жайынын жаңы актеру: Түркия» аттуу тегерек стол жыйынында Түркиянын коргонуу өнөр жайын жана бул тармактагы акыркы абалдарды адистер менен бирге баалайбыз»,-деп маалымат берди.