Хакан Фидан Португалияга барат

Тышкы иштер министри Хакан Фидан 25-27-ноябрь күндөрү Португалияда өтө турган Бириккен Улуттар Уюмунун Цивилизациялар Альянсынын 10-Глобалдык форумуна катышат.

Хакан Фидан өз сөзүндө поляризация, дискриминация жана экстремизмдин күчөп жатканына көңүлдөрдү бурат.

Министр Фидан дүйнөдө тынчтыкка жетишүү үчүн Жакынкы Чыгыштагы көйгөйлөргө чечүүчү жолдун табылышы керектигин баса белгилейт. Дүйнөдөгү исламга каршы маанайдын күчөп баратканын эскертет. Ал мусулмандарды Курани Каримге жана мечиттерге кол салууларга каршы бирдиктүү позицияны карманууга чакырат.

Хакан Фидан Бириккен Улуттар Уюмунун Исламга каршылар менен күрөшүү боюнча атайын өкүлүнүн дайындалышынын бул багытта таштала турган маанилүү кадам экенин айтат.

Форумдун алкагында Фидан Цивилизациялар Альянсы Достор Группасынын министрлер жыйынына да катышат.

Жыйында Достор тобунун мүчөлөрү биргелешкен декларацияга кол коюшат.