COP29 Түркия стенди

Азербайжандын борбор шаары Бакуда өткөрүлгөн Климаттын өзгөрүшү боюнча COP29 конференциясы аяктады.

Конференцияга 169 өлкөдөн 72 миң адам катышты.

Түркиянын COP29дагы стенди да  көңүлдөрдү бурду.

 Түркиянын стенди Жашыл зонада  «Нөл калдык» деген негизги тема менен түзүлдү.

Келген конокторго президент Режеп Таййип Эрдогандын жубайы, Бириккен Улуттар Уюмунун «Нөл калдыктар»  кеңешинин төрайымы Эмине Эрдогандын демөөрчүлүгү менен башталган «Нөл калдык» долбоору тууралуу маалымат берилди.

Президенттиктин коммуникация башкармалыгынын стендинде  Глобалдык нөл калдык жакшы ниет декларациясы чагылдырылган экрандар да көрсөтүлдү.

Келгендер жаратылышты коргоо, таштандыларды кайра иштетүү жана маалымдуулукту жогорулатуу максатында даярдалган декларацияны колдошту.

Эмине  Эрдоган менен Бириккен Улуттар Уюмунун баш катчысы Антонио Гутерреш 2 жыл мурун «Нөл калдык долбоорун» дүйнөгө жайылтуу үчүн жакшы ниет декларациясына кол коюшкан.

Президент Эрдоган да 2023 - жылдын сентябрь айында Глобалдык нөл калдык»  жакшы ниет декларациясына кол койгон биринчи лидер болду.

Декларацияны 40тан ашык мамлекет башчыларынын жубайлары жана эл аралык өкүлдөр колдошту.