Түрк студенттери учактарга жаңы долбоор иштеп чыкты

Карадениз техникалык университетинин (КТУ) 4 студенти учкучтун эсин жоготуу жана өзүн жоготуу сыяктуу учурларда учакты башкаруу үчүн жасалма интеллект менен колдоого алынган коопсуздук системасын иштеп чыгышты.

КТУ Медицина факультетинин 3-курсунун студенти Кемал Алп Чакыр менен Электротехника жана электроника инженериясы бөлүмүнүн 4-курсунун студенттери Хасан Басри Билге, Самет Каргын жана Ирфан Керем Гүмрүкчүоглу учкучтардын коопсуздугун арттыруу үчүн жасалма интеллект колдогон системаны иштеп чыгуу үчүн белсеништи.

Студенттер учкуч эси ооп калганда же башка кырдаалда учакты коопсуз башкарууну камсыздай турган алгоритмдердин үстүндө иштеп, «Акылдуу учуруучу коопсуздук системасы» (Smart Launch Safety System) деп аталган программалык камсыздоону иштеп чыгышты.

Ушундайча студенттер учкуч эс-учун жоготсо да белгилүү бир алгоритм менен учактын коопсуз конушун камсыз кылууну максат кылышууда.

Студенттердин бири Хасан Басри Билге согуштук учактарда акыркы чечимдин ар дайым учкучта экенин айтып: «Учкуч эси ооп калганда бул акыркы чечим механизми иштен чыгат. Бул жерде биз жасалма интеллект тарабынан колдоого алынган алгоритмди иштеп чыгууну жана учкуч учакта эсин жоготуп алганда учкучтун ордуна учакты башкара ала турган алгоритмди иштеп чыгууну пландаганбыз»,-деди.

Билге: «Өткөн жылдарда Италияда демонстрация кырсыгы болду. Учак деңизге кулап, учкуч каза болду. Демек, учкуч эс-учун жоготкондуктан өзүн сактап кала албаса керек. Ошондуктан биз жасалма интеллект муну жасай алабы дедик. Биз бул жаатта иштей баштадык. Биздин долбоор кабыл алынып, колдоого татыктуу болду», - деп айтты.