Эгейде жүргүзүлгөн "Көкө кит" машыгуусу аяктады

Түркиянын жетекчилигинде  9 -  жолу өткөрүлгөн  жана  4 -  ноябрда башталган "Көкө кит  - 2024  чакыруу машыгуусу"  13 өлкө жана НАТО элементтеринин катышуусу менен аяктады. 

Деңиз күчтөрү командирлиги тарабынан өткөрүлгөн машыгуунун акыркы күнүндө байкоочуларга жана басма сөз кызматкерлерине Мугланын Мармарис районундагы Аксаз деңиз база командирлигинин конок үйүнүн жыйын залында брифинг берилди.

Брифингде машыгуунун мааниси, максаты жана этаптары тууралуу маалымат берилди.

Машыгууга Түркиядан 5 суу астындагы кеме, 3 фрегат, 2 күйүүчү май кемеси, 2 көмөкчү класстагы кеме, 5 деңиз кайгуул учагы, патрулдук кеме, корвет, 10 суу астындагы коргонуу боюнча аскердик  тик учагы, учкучсуз учуучу аппарат, 2 катер жана 26 Ф - 16 учагы катышты. 

13 дос жана союздаш өлкө катышкан машыгууга жалпысынан 62 деңиз жана аба күчтөрү катышты.

Машыгууга катышкан бөлүктөр жана командирлер суу астындагы коргонуу   согушу боюнча билимин жана жөндөмүн жакшыртып, операциялык тапшырмаларга даярдык деңгээлин жогорулатышты. 

Брифинг залынын тышында коргонуу өнөр жайы фирмаларынын  продукциялары таанытылды. 
Машыгуу «Өнүгүп келе жаткан технологиянын суу астындагы согушка тийгизген таасири» деген темадагы академиялык панель менен аяктады.