Эрдогандын Бакудагы дипломатиялык жолугушуулары
Эрдоган лидерлер менен эки тараптуу жолугушууларды өткөрдү.
Президент Режеп Таййип Эрдоган Азербайжандын президенти Илхам Алиев менен жолугушту.
Бириккен Улуттар Уюмунун (БУУ) Климаттын өзгөрүүсү боюнча алкактык конвенциясынын (COP29) Тараптардын 29-конференциясынын Дүйнөлүк лидерлер Климат саммити үчүн Бакуга барган Эрдоган Алиев менен жолугушту.
Коммуникация башкармалыгынын социалдык медиа баракчасынан берилген маалыматка караганда, жолугушууда эки лидер Түркия менен Азербайжандын ортосундагы эки тараптуу карым-катнаштарды дагы да арттыруу үчүн эрктерин өз ара тастыкташты.
Жолугушууда президент Эрдоган Алиевге COP29га кожоюндук кылганы үчүн ыраазычылык билдирди.
Эрдоган андан кийин Казакстандын президенти Касым Жомарт Токаев, Молдованын президенти Майя Санду жана Черногория президенти Яков Милатович менен жолугушту.
Жолугушуулар басма сөзгө жабык өттү.
Эрдоган саммиттин алкагында Бакуда Англиянын премьер-министри Кейр Стармерди да кабыл алды.
Президент андан соң жолугушууларды аяктап Бакудан жөнөп кетти.
Тектеш кабарлар
Түркия Түштүк Кипр Рум башкаруучулугунун куралдануусуна каршылык көрсөттү
Бул тууралуу Тышкы иштер министрлиги жазуу түрүндө маалымат берди.
