Эмине Эрдоган Гутерриш менен жолугушат

Президент Режеп Таййип Эрдогандын жубайы Эмине Эрдоган Бириккен Улуттар Уюмунун (БУУ) Климаттын өзгөрүүсү боюнча алкактык конвенциясынын тараптарынын 29-конференциясында (COP29) БУУнун баш катчысы Антониу Гутерриш менен жолугушат.

Климаттын өзгөрүшүнө байланыштуу көптөгөн маанилүү темалар, өзгөчө глобалдык жылуулук менен күрөшүүдөгү акыркы абал талкуулана турган COP29 11-22-ноябрь күндөрүндө Азербайжандын кожоюндугунда Баку Олимпиада стадионунда өткөрүлөт.

Президент Эрдогандын COP29дун алкагында эртең өткөрүлө турган Дүйнөлүк лидерлердин Климат аракети саммитине катышуу үчүн ишке ашыра турган расмий сапарын коштой турган Эмине Эрдоган, ошондой эле БУУнун Нөл калдык боюнча жогорку деңгээлдеги инсандар консультациялык кеңешинин төрайымы катары да конференциянын алкагында ар кандай программаларга катышат.

Ушундан улам Эмине Эрдоган эртең БУУнун баш катчысы Антониу Гутерриш менен жолугушат.

Жолугушууда Эмине Эрдогандын демөөрчүлүгү менен башталган «Нөл калдык» долбооруна карата иш-аракеттер баш болгон климаттын өзгөрүшүнө каршы күрөш жана экология маселелери каралат.

COP29да Бириккен Улуттар Уюмунун Өнүктүрүү Программасынын (ПРООН) аткаруучу директору Ахим Штайнер менен да жолугуша турган Эмине Эрдоган, «Нөл калдык» долбоорунун алкагында курулган «Нөл калдык» фонду, Азербайжандын президенти Илхам Алиевдин жубайы Михрибан Алиеванын жетекчилигиндеги Хайдар Алиев фонду, Өзбекстандын Замин Эл аралык Калк Фонду менен биргеликте уюштурула турган «Экологиялык билим» аттуу иш-чарада жаш климат ыктыярчылары менен жолугушат.