Эрдоган: «Террордук уюмдар менен Түркия чек араларынын байланышын толугу менен үзөбүз»

Президент Режеп Таййип Эрдоган террордук уюмдар менен Түркия чек араларынын байланышын толугу менен үзө тургандарын билдирди.

Президент Эрдоган Улуу жол башчы Мустафа Кемал Ататүрктүн дүйнөдөн кайтканынын 86 жылдыгынан улам «Ататүрк» атындагы маданият, тил жана тарых жогорку мекемесинде өткөрүлгөн эскерүү аземине катышты.

Эрдоган бул жерде сүйлөгөн сөзүндө Республиканын негиздөөчүсү Гази Мустафа Кемал Ататүрктү урматтоо менен эскерди.

«Боштондук согушунун башкы колбашчысы Гази Мустафа Кемалдын сөзү менен айтканда, «бардыгыбыздын орток максатыбыз өлкөбүздү азыркы цивилизациянын деңгээлинен жогору көтөрүү»,-деп айткан Эрдоган, кандай максатта болбосун бул улуттун биримдигин жана ынтымагын бузууга багытталган ар бир сөз, ар бир мамиле, ар бир кыймыл Гази Мустафа Кемалдын аманатына кыянаттык экенин баса белгиледи.

Эрдоган Республиканы жана Ататүрктүн эскермесин коргоонун эң конкреттүү көрүнүшүнүн Түркияга жана улутка көрсөткөн кызматтары, жасалган иштер жана алынган баалуулуктар экенин айтты.

Түркиянын түштүк чек араларынан террордук уюмдардын курчоого алуу аракетин, жүргүзүлгөн операциялар жана түзүлгөн коопсуз аймактар ​​менен бирге олуттуу түрдө бөгөт койгондорун түшүндүргөн президент: "Жакынкы мезгилде биз чек араларыбызда түзгөн коопсуз аймактын жетишпеген тилкелерин бүтүрөбүз жана террордук уюмдар менен чек араларыбыздын байланышын толугу менен үзөбүз. Ошентип, 40 жылдан бери өлкөбүздүн саясий жана экономикалык жол картасын террордук уюмдарга каалагандай багыттаган империалисттердин жана алардын куурчактарынын аймагыбыздагы оюнун түбөлүккө бузабыз. Өлкөбүз үчүн жикчил террордук уюмдун коркунучун жок кыла турган операциялар уланат. Биз бул үчүн бардык ресурстарыбызды толук пайдаланабыз»,- деп айтты.

Эрдоган: «Келгиле, каршыбыз болгон коркунучтарга каршы биргелешип күрөшүп, келечек муундарга Түркиянын улуу жана күчтүү мурасын калтыралы»,-деди.