Президенттик кабинет эртең Чанкая сарайында чогулат

Президенттик кабинет 10 - ноябрь Ататүрктү эскерүү күнүндө президент Режеп Таййип Эрдогандын жетекчилигинде Чанкая сарайында чогулат.

Президент Эрдоган Гази Мустафа Кемал Ататүрктүн өлүмүнүн 86 жылдыгында уюштурула турган эскерүү программаларынын алкагында алгач Аныткабирге барат. Эрдоган андан кийин Ататүрк маданият, тил жана тарых жогорку мекемесинин жаңы имаратында өтө турган эскерүү программасына катышат.

Чанкая сарайында Ататүрк музейин ача турган Эрдоган андан кийин өкмөт жыйынына жетекчилик кылат.

Жыйында АКШдагы президенттик шайлоонун Түркияга жана аймакка чагылдырылышына баа берилиши, президент Эрдогандын Кыргызстан жана Венгрияга болгон иш сапарларындагы дипломатиялык байланыштарынын талкууланышы жана экономикадагы акыркы абалга баа берилиши күтүлүүдө.

Жыйында Израилдин Газа жана Ливанга жасаган кол салууларынын да  карала турган күн тартибиндеги темалардын арасында болушу күтүлүүдө.