Казына жана каржы министри Кытайга барат

Казына жана каржы министри Мехмет Шимшек эки өлкөнүн ортосундагы эң жогорку деңгээлдеги кеңешүү механизми болгон Түркия - Кытай өкмөттөр аралык кызматташтык комитетинин (HIK) экинчи жыйналышына катышуу үчүн Кытайдын борбор шаары Пекинге барат.

Министр Шимшек Пекиндеги расмий жолугушууларынын алкагында алгач 6 - ноябрда боло турган биргелешкен жумушчу топтун жыйынына катышат.

Жолугушууда эки демилгени шайкеш келтирүүнүн тышында аба жана кургак жол байланышы, жашыл трансформация, энергетика, өнөр жай жана инвестиция тармактарында кызматташуу, ошондой эле соода жана экономикалык маселелер талкууланат.

7 - ноябрда эки өлкөнүн ортосундагы эң жогорку деңгээлдеги кеңешүү механизми болгон Түркия - Кытай өкмөттөр аралык кызматташуу комитетинин  Экинчи жыйналышына катыша турган министр Шимшек, Пекиндеги жолугушууларынын алкагында эки тараптуу жолугушууларды да өткөрөт.

Шимшек Кытайдын вице - президенти Хан Чжэн жана Азия инфраструктуралык инвестиция банкынын төрагасы Цзинь Лицюн менен жолугушат, ICBC жана Кытай банкы баш болгон кытайлык каржы жана инвестиция фирмаларынын жогорку даражалуу жетекчилери менен жолугушат.

Сүйлөшүүлөрдө эки тараптуу сооданын дагы тең салмактуу жана туруктуу түзүмгө өтүүсүнө байланыштуу кызматташтык мүмкүнчүлүктөрү жана Кытайдан Түркияга инвестиция тартуулар талкууланат.